- Sen tarihshy emessiń! Sen Mońǵoldarǵa satylyp, bizdiń rýhymyzdy osyndai áńgimelermen óshirý úshin kelgensiń! Zyndanǵa salyńdar muny! - dep buiyrady Beibarys.
Búgingi Qytaidyń jaýyzdyǵy hám qas áreketterin dál solai aýyzdarynan sýlary quryp turyp mediada aityp júrgender de dál sondai satqyndar dep oilaimyn.
Biz qazaqtar eshqashan qytailardan qoryqpaǵan edik. Tipti, keshegi Táýelsizdikten keiin keshegi kúnge sheiin olardan qoryqqan joqpyz.
Kerisinshe, Qytaiǵa barǵan qazaqtar ol jaqty oirandap, myna jaqta júrgen qytailardy osy jaqta oirandap, berekesin qashyryp júrgen jurt edik.
Joǵarydaǵy atalǵan "satqyndardyń" kesirinen, solardyń elge kelip, qytailar týraly myń túrli ras-ótirigi aralas ertegilerinen keiin búgin qazaq úshin eń qorqynyshty qubylys - Qytai bolyp aldy.
Sonyń kesirinen búgin bárimiz qytai dese, si..p qoiardai kúide otyrmyz. Qai jerge kirseń de, "Oibai, qytai jaýlap alady", "Qytai aiamaidy", "Qytai qyzyńnyń analyǵyn aiyryp tastaidy", "Olar degen jaýyz halyq" degen siiaqty jylaýyq qorqaýlardyń áńgimeleri órip júr.
Ol jaqtaǵy qazaqtardyń qiyn jaǵdaida otyrǵanyn joqqa shyǵarmaimyn. Biraq, jaýdyń qolynda otyrǵan qandasqa kómek berýdiń gýmandy joldaryn usynýdyń ornyna, ár suqbattarynda qytaidyń jaýyzdyǵy týraly aitatyndardyń qazaqqa jany ashyp otyr dep oilamaimyn.
Kerisinshe, sol arqyly olardyń ózderi bizdiń qytailardyń astyna jyǵyp beredi túbinde. Jyǵylamyz. Nege? Óitkeni, rýhy synǵandar únemi jyǵylady.
Demek, qazir birinshi kezekte sol ideologiialyq satqyndardy jazalaý kerek.
Sadyq Sherimbek,
Feisbýk paraqshasynan
