Ulttyq statistika biýrosy málimetinshe, Qazaqstanda erler sany 10 044 673 adamǵa jetken. Eldegi er azamattardyń ortasha jasy - 31,1 jas, dep habarlaidy dalanews.kz.
Jas qurylymyna kelsek, 0-15 jas aralyǵyndaǵy uldardyń úlesi - 30,2 paiyz. 16-60 jas aralyǵyndaǵy erlerdiń úlesi - 56,5 paiyz. Al 61 jastan asqandar - 13,3 paiyz.
Er adamdar eń kóp óńirler qatarynda Almaty men Túrkistan oblysy bar, árqaisynda shamamen 1,1 mln er adam turady. Budan keiin Almaty oblysy (806,5 myń) jáne Astana (785,4 myń) tur.
2025 jylǵy derek boiynsha jumyspen qamtylǵan erlerdiń úlesi - 51,6 paiyz nemese shamamen 4,8 mln adam. Jaldamaly qyzmetkerler arasynda olardyń úlesi - 50,6 paiyz, al ózin-ózi jumyspen qamtyǵandar arasynda - 55,1 paiyz.
Salalar boiynsha erler kóbine ónerkásipte (16,5%), kóterme saýdada (14%), aýyl sharýashylyǵynda (12,4%) jáne kólik pen qoima sektorynda (11,1%) eńbek etedi. Jeke kásipkerler ishinde de erlerdiń úlesi joǵary: 54,7 paiyz.
