Qazaqstan Prezidenti Qasym-Jomart Toqaev málimdegendei, qazaq tili eldegi memlekettik jáne sheteldik joǵary oqý oryndarynda oqytylady, dep habarlaidy Dalanews.kz.
Memleket basshysy bul sheshimdi ulttyq biregeilikti nyǵaitý men qoǵamdy biriktirý jolyndaǵy mańyzdy qadam dep atady.
Toqaevtyń aitýynsha, memlekettik tildi bilý Qazaqstannyń árbir azamaty úshin, qyzmet salasyna qaramastan, tabiǵi normaǵa ainalýy tiis. Ol qazaq tiliniń jai ǵana qarym-qatynas quraly emes, halyqtyń egemendigi men rýhani birliginiń simvoly ekenin atap ótti.
Prezidenttiń aitýynsha, Qazaqstan aýmaǵynda jumys isteitin kóptegen sheteldik joǵary oqý oryndarynda bilim berý aǵylshyn nemese orys tilderinde júrgiziledi, endi oqý baǵdarlamalaryna mindetti qazaq tili kýrsy engiziletin bolady. Sonymen qatar, Toqaevtyń naqtylaýynsha, bul úderis teńgerimdi ári zamanaýi túrde — tsifrlyq tehnologiialar men innovatsiialyq oqytý ádistemelerin paidalana otyryp júzege asyrylýy tiis.
Bul bastama qoǵam tarapynan keń qoldaý tapty. Sarapshylardyń pikirinshe, ol memlekettik tildiń bedelin arttyryp qana qoimai, sonymen qatar Qazaqstannyń mádeni ornyn jahandyq bilim keńistiginde nyǵaitady.
Aldaǵy ýaqytta Ǵylym jáne joǵary bilim ministrligine mindetti kýrs engizý josparyn ázirlep, stýdentter men oqytýshylarǵa qoiylatyn qazaq tilin meńgerý deńgeiiniń talaptaryn aiqyndaý tapsyryldy.
