Kezdesýge otandyq BAQ salasynyń bas redaktorlary men media sarapshylar qatysty. Atap aitqanda, saiasattanýshy jáne elimizdiń Qoǵam qairatkeri Aidos Sarym, «Qazaq úni» gazeti jáne portalynyń jetekshisi Qazbek Isa, «Massaget.kz» portalynyń bas redaktory Ómirbek Sansyzbaev, «Baq.kz» saitynyń bas redaktory Móldir Asqar, «BariBar.kz» portalynyń bas redaktory Dimash Ziiadin, «Atyraý-Aqparat» holdinginiń ókili Erlan Májik jáne «Media damytý qory» korporativtik qory bas direktorynyń keńesshisi Qainar Ahetov qatysty.
Saraptamalyq kezdesýdiń basty maqsaty - Qazaq tildi internet resýrstardyń damýy, sonyń ishinde portaldar men saittar kontentiniń damýy.
2009 jyldyń kórsetkishi boiynsha Qazaqstannyń internet keńistiginde bar bolǵany 6 sait qazaq tilinde bolǵan eken (abai.kz, egemen.kz, jasqazaq.kz, qazaquni.kz, turkystan.kz, zamandas.kz.). Sol ýaqyttan búgingi kúnge deiin qazaq tildi saittardyń, portaldardyń sany ósti, al sapasy she?
Kezdesý barysynda sarapshylardyń basty nazary qazaq tildi BAQ-tyń kontenti jáne onyń damý máselelerinde, paidaly kontentinde, sait redaktsiialarynyń óz aýditoriiasyn zertteý joldarynda boldy.
Onlain formatta bolǵan kezdesýdiń bas sarapshylary Qazbek Isa jáne Aidos Sarymnyń pikirinshe, otandyq saittardyń kórsetkishterin anyq ári durys kórsete biletin «Ulttyq ólshegish» quralyn qurý kerek. Sonymen qatar, qoǵamdyq pikirdiń sońynan erip júrý emes, qoǵamdyq pikirdi ózgertý basty baǵyt. Sol sebepti qazaq tildi internet resýrstradyń redaktsiialary aýditoriiaǵa «ótimdi» jańalyqtardy usynyp, aýditoriiaǵa beiimdelý protsesinen ketýi kerek.
Aidos Sarymnyń sózine súienetin bolsaq: «Nege bilik qazaq aýditoriiasymen sóilesken kezde negizinde rýhani, qoǵamdyq úlken dúnielerdi aitady da, al qoǵamǵa qatysy bar úlken dúnielerdi orys tilinde aitady? Mysaly, zeinetaqy qansha paiyzǵa ósti, ekonomikanyń qandai úlken baǵyttarynda ózgerister bolady, investitsiialyq saiasat qandai bolady. Osyndai taqyryptardy nege orys tilinde beredi? Al óz aýditoriiamyzǵa osy taqyryptardy qanshalyqty qyzyq etip jetkizýge tyrysýdamyz?..
Ózim qazaq basylymdaryn jii oqityn oqyrman retinde aitarym, ekonomikalyq taqyrypta jazylyp jatqan aqparattar, saraptamalar da paida bolyp jatqan siiaqty.
Jaqsy-jaqsy qazaq tildi ekonomist, zańger, ekolog basqa da azamattar paida bolyp, zamanaýi tilde, barynsha qazaqylandyryp aqparatty berip jatqan da siiaqty. Biraq jaǵdaiymyz jańaǵydai...»
Al, elimizdiń jastary arasynda tanymal «Massaget.kz» portalynyń bas redaktory Ómirbek Sansyzbaevtyń sózine súienetin bolsaq, kez-kelgen redaktsiia óz oqyrmandaryna zertteý jasaýy shart. Saitqa saraptama jasaýdyń 3 ólshemi bar.
- Marketingtik;
- Redaktsiialyq;
- Áleýmettik jeli arqyly.
«Baq.kz» aqparattyq portalynyń bas redaktory Móldir Asqardyń aitýynsha, búgingi kúni tek qazaq tilinde aqparat taratatyn saittardyń, sonyń ishinde jańalyqtar redaktsiialarynyń tilshileri «aýdarmashy» qyzmetin qatar alyp júredi. Sebebi resmi jiyndarda, baspasóz konferentsiialarynda baiandamashylar baiandamany orys tilinde oqidy. Bul tilshilerdiń portalǵa jańalyqtardy shuǵyl salý protsesin baiaýlatady.
Sondyqtan, kezdesýdiń eń basty qorytyndylarynyń biri retinde BAQ-tyń osy ýaqytta internet-platformalarda belsendi bolýynyń mańyzdylyǵyn bólip aita alamyz. Qazaq redaktsiialary aýditoriiany óziniń artynan erte biletin aqparattyq maidandy jáne de otandyq saittardyń kórsetkishterin anyq ári durys kórsete biletin «Ulttyq ólshegish» quralyn qurý kerek. Sebebi oqyrmannyń talǵamyn qurastyrýshy organdardyń biri – media salasy. Memlekettik organnan shyǵatyn aqparat eki tilde qatar, ári sapaly shyǵýy kerek.
Saraptamalyq kezdesý áleýmettik jelilerde tikelei efirde ótkizildi.
Kezdesýdiń tolyq nusqasyn “Media damytý qory” Korporativtik qorynyń Facebook jelisindegi mediafoundationkz paraqshasynan https://www.facebook.com/mediafoundationkz/videos/907056206489196 siltemesi arqyly kóre alasyzdar.
