Buǵan qosa, shekara qyzmetiniń Almaty oblysy boiynsha departamenti «Nur joly» shekara baqylaý bóliminiń bastyǵy maior Nurman Arysbaev jáne taǵy birneshe adam da ustalǵan. Kúdikke ilingenderdiń bári ýaqytsha tergeý izoliatoryna qamaldy.
UQK «tergeý múddesine bailanysty basqa aqparattar jariialanbaitynyn» aitty.
Dilmanov biyl sáýirde UQK tóraǵasynyń orynbasary – shekara qyzmetiniń direktory qyzmetinen bosatylǵan edi. Ol 1998 jyldan beri UQK shekara qyzmetine jumys istep, 2015 jyly maýsymda shekara qyzmetine direktor bolyp taǵaiyndalǵan.
Qazaqstan prezidenti Qasym-Jomart Toqaev Qańtar oqiǵasynan keiin qazaq-qytai shekarasyndaǵy keden beketterinde kontrabanda men jemqorlyq máselesine nazar aýdaryp, ony joiýdy tapsyrdy. Osydan soń elde Qytaimen shekaradaǵy kedenderge qatysty tekseris bastalǵan.
Qazaq-qytai shekarasyndaǵy keden beketterinde júk kólikteri jii kedergige tap bolyp, aptalap kezekte turyp qalady. Saýdagerler de kedennen ótý qiyn ekenin jii aitatyn.
