بۇعان قوسا, شەكارا قىزمەتٸنٸڭ الماتى وبلىسى بويىنشا دەپارتامەنتٸ «نۇر جولى» شەكارا باقىلاۋ بٶلٸمٸنٸڭ باستىعى مايور نۇرمان ارىسباەۆ جەنە تاعى بٸرنەشە ادام دا ۇستالعان. كٷدٸككە ٸلٸنگەندەردٸڭ بەرٸ ۋاقىتشا تەرگەۋ يزولياتورىنا قامالدى.
ۇقك «تەرگەۋ مٷددەسٸنە بايلانىستى باسقا اقپاراتتار جارييالانبايتىنىن» ايتتى.
دٸلمانوۆ بيىل سەۋٸردە ۇقك تٶراعاسىنىڭ ورىنباسارى – شەكارا قىزمەتٸنٸڭ ديرەكتورى قىزمەتٸنەن بوساتىلعان ەدٸ. ول 1998 جىلدان بەرٸ ۇقك شەكارا قىزمەتٸنە جۇمىس ٸستەپ, 2015 جىلى ماۋسىمدا شەكارا قىزمەتٸنە ديرەكتور بولىپ تاعايىندالعان.
قازاقستان پرەزيدەنتٸ قاسىم-جومارت توقاەۆ قاڭتار وقيعاسىنان كەيٸن قازاق-قىتاي شەكاراسىنداعى كەدەن بەكەتتەرٸندە كونتراباندا مەن جەمقورلىق مەسەلەسٸنە نازار اۋدارىپ, ونى جويۋدى تاپسىردى. وسىدان سوڭ ەلدە قىتايمەن شەكاراداعى كەدەندەرگە قاتىستى تەكسەرٸس باستالعان.
قازاق-قىتاي شەكاراسىنداعى كەدەن بەكەتتەرٸندە جٷك كٶلٸكتەرٸ جيٸ كەدەرگٸگە تاپ بولىپ, اپتالاپ كەزەكتە تۇرىپ قالادى. ساۋداگەرلەر دە كەدەننەن ٶتۋ قيىن ەكەنٸن جيٸ ايتاتىن.
