Qazaqstan Prezidenti Qasym-Jomart Toqaev Qytaidyń Tiantszin qalasyna baryp, onda joǵary deńgeidegi kelissózder ótkizdi. Sondai-aq, Memleket basshysy Shanhai yntymaqtastyq uiymy sammitine jáne «ShYU pliýs» otyrysyna qatysýdy.
Prezidenttik pýldaǵy jýrnalistiń aitýynsha, Qytai tóraǵasy Qasym-Jomart Toqaevqa erekshe yqylas tanytqan.
– Qytaida Si Tszinpin kelgen 22 kóshbasshynyń ishinen tek úsheýin jeke qabyldady. Qurmetti qonaqtar qatarynda – Qasym-Jomart Toqaev (sondai-aq Resei men Úndistan basshylary). Keshki as derbes, senimdi ári dostyq jaǵdaida ótti, shamamen eki saǵatqa sozyldy. Áńgime ústinde "meniń qymbatty dosym" degen sóz birneshe ret aityldy, al árbir qimyl-qozǵalystan qazaq delegatsiiasyna degen erekshe yqylas sezildi. Mundai qarym-qatynas qazirgi qazaq-qytai bailanystarynyń diplomatiialyq etiket sheńberinen áldeqashan asyp túskenin aiqyn kórsetedi, – dep jazdy Ádil Baltabaev.
Eske salsaq, maýsym aiynda Qasym-Jomart Toqaev «Qazaqstan kórshi Qytaidyń tulǵasynan máńgilik ári senimdi strategiialyq seriktes, naǵyz dos tapty» dep atap ótken bolatyn. Sondai-aq, «Ortalyq Aziia men Qytai arasyndaǵy qatynastar máńgilik, "barlyq aýa raiyna tótep beretin" jáne jan-jaqty strategiialyq áriptestik deńgeiine shyqty» degen edi.
Buǵan deiin Tengrinews.kz tilshisine bergen suhbatynda professor Siýe Fýtsi Qasym-Jomart Toqaevty Qytai qoǵamy men sarapshylyq qaýymy úshin mol tájiribesi bar tulǵa dep sipattap, al qytai tilin jetik bilýi Qazaqstan Prezidentine Si Tszinpinmen óte jaqyn ári senimdi qarym-qatynas ornatýǵa múmkindik beretinin aitqan bolatyn.
