Qonaev sport astanasyna ainalyp, árkim ózine laiyq qashyqtyqty taba aldy. QAZAQ MARATHON qaita oralyp, biyl shara erekshe mańyzdylyq pen aýqymǵa ie boldy, dep habarlaidy Dalanews.kz.
Almaty oblysy ákiminiń orynbasary Rýstam Isataev jarysqa qatysyp, salaýatty ómir salty men aimaqtaǵy sporttyń damýynyń mańyzdylyǵyn atap ótti.
"Barshańyzdy marafonnyń ashylýymen shyn júrekten quttyqtaimyn! Bizdiń oblys ortalyǵy - Qonaev qalasynan bastalǵan aýqymdy joba respýblikanyń birneshe qalalarynda ótetini biz úshin úlken maqtanysh", - dedi Rýstam Isataev.
Jarysqa 1500-den astam qatysýshy jinaldy, olardyń árqaisysy aimaqtaǵy buqaralyq sporttyń damýyna óz úlesin qosýda.
"Prezident Qasym-Jomart Kemeluly Toqaev ár adamnyń densaýlyǵy - ulttyń densaýlyǵy ekenin atap ótti. Al, deni saý ultty qalyptastyrý - memlekettiń basty maqsattarynyń biri", - dep atap ótti ákimniń orynbasary.
Is-sharanyń bas seriktesi - Freedom life kompaniiasy.
QAZAQ MARATHON belsendi qazaqstandyqtar úshin mańyzdy oqiǵa bolyp qana qoimai, kóptegen adamdardy salaýatty ómir saltyna qosylýǵa shabyttandyrýy múmkin.
Marafon búkil Qazaqstandy qamtyp, bir qaladan bastalyp, basqa qalalarǵa aýysady. Árbir marafon qatysýshylaryn estelik medaldar kútip tur.
Marafon kelesi aýqymdy maqsattardy kózdeidi:
• Salaýatty ult úshin! Qatysýshylardan túsken qarajattyń bir bóligi internattar men balalar úilerindegi balalarǵa jattyǵý uiymdastyrýǵa jumsalady.
• Teń múmkindikter! Marafonǵa qatysý úshin tólem jasai otyryp, qatysýshy múmkindigi shekteýli balalardyń júgirisin jartylai demeidi. Balalar marafonǵa qatysyp, medal, estelik merch alyp, sportpen shuǵyldanýǵa motivatsiia alady.
QAZAQ MARATHON 2024 - bul jai ǵana sporttyq shara emes, bul Qazaqstannyń salaýatty bolashaǵyna qadam!
"Bul meniń 15-shi marafonym. Jeńil atletika jarystaryna 19 jasymnan bastap qatysyp kelemin, qazir 35 jastamyn. Men birde-bir osyndai sporttyq sharany jibermeýge tyrysamyn. Búgin erler arasynda 5 km qashyqtyqta úshinshi orynǵa ie boldym. Búgingi aýa raiy da júgirýge eń qolaily. Barshańyzǵa kóp júgirip, densaýlyqtaryńyz myqty bolýyn tileimin", - dedi almatylyq jarysqa qatysýshy Sultan Aiǵarai.
Aita keterligi, 5 km jáne 10 km qashyqtyqtardy ujym bolyp júgirgender de boldy. Solardyń biri - Eńbekshiqazaq aýdanynan kelgen "Tehnograd" JShS-niń 30 adamdyq tatý komandasy.
"Bes jyl buryn bizdiń qyzmetkerler osyndai buqaralyq sporttyq is-sharalarǵa, marafondarǵa qatysý ideiasyna keldi. Sodan beri biz birlesip jarystarǵa qatysýdy uiǵardyq, bul bizdiń uiymymyzdaǵy birlikti jáne korporativtik rýhty nyǵaitýǵa kómektesedi. Mundai is-sharalar densaýlyqqa oń áser etip, salaýatty ómir saltyn nasihattap, júgirýge degen súiispenshilikti oiatady. Bul marafon óte jaqsy uiymdastyrylǵan. Osyndai keremet sport merekesin uiymdastyrǵandaryńyz úshin uiymdastyrýshylarǵa alǵys aitamyz", - dep atap ótti "Tehnograd" JShS basshysy Ziia Talǵatov.
Jarystarǵa Resei, Belarýs, Ózbekstan, Qyrǵyzstan jáne Qazaqstannan 10 jastan asqan áýesqoilar men kásipqoilar qatysty.
