Halyqaralyq olimpiadaǵa Táýelsiz Memleketter Dostastyǵyna qatysýshy memleketterdiń 7 elinen komandalar qatysty, olar: Armeniia Respýblikasy, Belarýs Respýblikasy, Qazaqstan Respýblikasy, Qyrǵyz Respýblikasy, Ózbekstan Respýblikasy, Resei Federatsiiasy, Tájikstan Respýblikasy.
TMD qatysýshy memleketterdiń Qorǵanys ministrleri keńesiniń tóraǵasy – Resei Federatsiiasynyń Qorǵanys ministri armiia generaly S.Shoigý men Qazaqstan Respýblikasynyń Qorǵanys ministri general-polkovnik S.Jasuzakovtyń tikelei jetekshiligimen ótkizilgen olimpiadanyń negizgi maqsaty, áskeri-oqý oryndarynyń ofitserlik quramnyń sapaly daiyndyǵyna úlken kóńil bólý, áskeri mamandardy sapaly túrde daiyndaý, kásibi deńgeide yntalandyrý, ǵylymi jáne shyǵarmashylyq qabiletterin qalyptastyrý, oqytýshy-professorlar quramynyń kásibi deńgeiin kóterý, dáris berýdiń ádistemesin jetildirý jáne de joǵary áskeri oqý-oryndary arasynda sapaly báskelestik qurý bolyp tabylady.
2 sáýirden beri TMD eliniń kýrsanttary 3 kezeńnen turatyn saiysta baqtaryn synady. Qarsylastarymyz óz elderinde ótken baiqaýdyń jeńimpazdary bolatyn.
Radioelektronika jáne bailanys áskeri-injenerlik institýtynyń komandasy atynan Shyǵys Qazaqstan oblysy, Semei qalasyndaǵy fizika-matematika baǵytyndaǵy Qazaqstan Respýblikasynyń Prezidenti N.Nazarbaev ziatkerlik mektepbiniń túlegi 2 kýrs kýrsanty Mailybaev Alpamys Erlanuly óner kórsetken bolatyn.
Alpamys atalǵan saiystyń komanda sapynda birinshi ret synǵa túsip, institýtymyzdy júldeli ekinshi orynǵa jetkizip, el abyroiyn asqaqtatty.
Osyǵan orai institýt basshysy polkovnik Mustabekov Asqar Dosbosynuly, osyndai bilimge qushtar talaby joǵary azamat daiyndaǵan Shyǵys Qazaqstan oblysyna, Semei qalasy N.Nazarbaev ziatkerlik mektepbi ujymyna jáne ata-anasyna alǵysyn bildiredi.
Kýrsant Mailybaev Alpamys Erlanuly jalpy oqýdan bólek, áskeri tártipti joǵary ustanatyn, oqýda ozat, ónerde belsendi, qataryna úlgi, qorshaǵan ortasynda syily azamat. Áskeri institýt ujymy bolashaqta Alpamystan antyna adal, Qazaqstan Armiiasynyń abyroiyn asqaqtatar ofitser bolatynyna senimdi.
«Shyǵys» óńirlik qolbasshylyǵynyń baspasóz qyzmeti
