حالىقارالىق وليمپياداعا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ 7 ەلىنەن كوماندالار قاتىستى، ولار: ارمەنيا رەسپۋبليكاسى، بەلارۋس رەسپۋبليكاسى، قازاقستان رەسپۋبليكاسى، قىرعىز رەسپۋبليكاسى، وزبەكستان رەسپۋبليكاسى، رەسەي فەدەراسياسى، تاجىكستان رەسپۋبليكاسى.
تمد قاتىسۋشى مەملەكەتتەردىڭ قورعانىس مينيسترلەرى كەڭەسىنىڭ ءتوراعاسى – رەسەي فەدەراسياسىنىڭ قورعانىس ءمينيسترى ارميا گەنەرالى س.شويگۋ مەن قازاقستان رەسپۋبليكاسىنىڭ قورعانىس ءمينيسترى گەنەرال-پولكوۆنيك س.جاسۇزاكوۆتىڭ تىكەلەي جەتەكشىلىگىمەن وتكىزىلگەن وليمپيادانىڭ نەگىزگى ماقساتى، اسكەري-وقۋ ورىندارىنىڭ وفيسەرلىك قۇرامنىڭ ساپالى دايىندىعىنا ۇلكەن كوڭىل ءبولۋ، اسكەري مامانداردى ساپالى تۇردە دايىنداۋ، كاسىبي دەڭگەيدە ىنتالاندىرۋ، عىلىمي جانە شىعارماشىلىق قابىلەتتەرىن قالىپتاستىرۋ، وقىتۋشى-پروفەسسورلار قۇرامىنىڭ كاسىبي دەڭگەيىن كوتەرۋ، ءدارىس بەرۋدىڭ ادىستەمەسىن جەتىلدىرۋ جانە دە جوعارى اسكەري وقۋ-ورىندارى اراسىندا ساپالى باسكەلەستىك قۇرۋ بولىپ تابىلادى.
2 ساۋىردەن بەرى تمد ەلىنىڭ كۋرسانتتارى 3 كەزەڭنەن تۇراتىن سايىستا باقتارىن سىنادى. قارسىلاستارىمىز ءوز ەلدەرىندە وتكەن بايقاۋدىڭ جەڭىمپازدارى بولاتىن.
راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ كومانداسى اتىنان شىعىس قازاقستان وبلىسى، سەمەي قالاسىنداعى فيزيكا-ماتەماتيكا باعىتىنداعى قازاقستان رەسپۋبليكاسىنىڭ پرەزيدەنتى ن.نازاربايەۆ زياتكەرلىك مەكتەپبىنىڭ تۇلەگى 2 كۋرس كۋرسانتى مايلىبايەۆ الپامىس ەرلان ۇلى ونەر كورسەتكەن بولاتىن.
الپامىس اتالعان سايىستىڭ كوماندا ساپىندا ءبىرىنشى رەت سىنعا ءتۇسىپ، ينستيتۋتىمىزدى جۇلدەلى ەكىنشى ورىنعا جەتكىزىپ، ەل ابىرويىن اسقاقتاتتى.
وسىعان وراي ينستيتۋت باسشىسى پولكوۆنيك مۇستابەكوۆ اسقار دوسبوسىن ۇلى، وسىنداي بىلىمگە قۇشتار تالابى جوعارى ازامات دايىنداعان شىعىس قازاقستان وبلىسىنا، سەمەي قالاسى ن.نازاربايەۆ زياتكەرلىك مەكتەپبى ۇجىمىنا جانە اتا-اناسىنا العىسىن بىلدىرەدى.
كۋرسانت مايلىبايەۆ الپامىس ەرلان ۇلى جالپى وقۋدان بولەك، اسكەري ءتارتىپتى جوعارى ۇستاناتىن، وقۋدا وزات، ونەردە بەلسەندى، قاتارىنا ۇلگى، قورشاعان ورتاسىندا سىيلى ازامات. اسكەري ينستيتۋت ۇجىمى بولاشاقتا الپامىستان انتىنا ادال، قازاقستان ارمياسىنىڭ ابىرويىن اسقاقتاتار وفيسەر بولاتىنىنا سەنىمدى.
«شىعىس» وڭىرلىك قولباسشىلىعىنىڭ باسپا ءسوز قىزمەتى
