Qazaq jáne qyrǵyz tarihshylary saiasi qýǵyn-súrgin máselelerin talqylady
40-tan astam ǵalymdar qatysqan ǵylymi salmaǵy basym basqosý Sh.Sh. Ýálihanov atyndaǵy Tarih jáne etnologiia institýtynyń direktory, QR UǴA korrespondent-múshesi, tarih ǵylymdarynyń doktory, professor Ziiabek Qabyldinovtyń kirispe sózimen bastaldy.
Ǵylymi jiynǵa B.Jamgershinov atyndaǵy Qyrǵyzstan Respýblikasy Tarih, arheologiia jáne etnografiia institýtynyń direktory, tarih ǵylymdarynyń doktory, professor Abylabek Asankanov, atalmysh Institýttyń professory, tarih ǵylymdarynyń doktory Zainidin Kýrmanov, I.Arabaev atyndaǵy Qyrǵyz memlekettik ýniversitetiniń ǵalymdary Jumaǵul Baidildeev jáne Aida Kýbatovalar taqyryp aiasynda baiandamalaryn jasady.
Institýt ǵalymdarynan saiasi ǵylymdarynyń doktory, professor Saiyn Borbasov (taqyryby: «Qazaqqa qarsy úzdiksiz soqqy»), tarih ǵylymdarynyń doktory, professor Juldyzbek Abylhojin (taqyryby: «Logika repressii»); tarih ǵylymdarynyń kandidaty Nursulý Dúisenova (taqyryby: «Qazaqstandaǵy saiasi qýǵyn-súrginniń kezeńderi»), tarih ǵylymdarynyń kandidaty, dotsent Manara Qalybekova (taqyryby: «Reabilitatsiia jertv politicheskih repressii: deti GÝLAGa») ǵylymi baiandamalaryn oqyp, qazaq-qyrǵyz qarym-qatynastarynyń tarihi sabaqtastyqtary máselesine qatysty pikirlerin alǵa tartty.
Dóńgelek ústel sońyna qarai Sh.Sh. Ýálihanov atyndaǵy Tarih jáne etnologiia institýty men Osh memlekettik ýniversitetiniń Shyǵystaný jáne tarih fakýltetimen jáne Qyrǵyz Respýblikasy Ortalyq memlekettik arhivimen ekijaqty yntymaqtastyq jónindegi Memorandýmǵa qol qoiyldy.
