Qyrǵyzstanda Qamshybek Tashievke qatysty qylmystyq is qozǵalyp, oǵan eki bap boiynsha aiyp taǵyldy. Bul týraly onyń advokaty Ikramidin Aitkýlov Kaktus.media redaktsiiasyna habarlady, dep jazady Dalanews.kz.
Qorǵaýshynyń málimetinshe, Tashiev Qyrǵyzstan Qylmystyq kodeksiniń 326-baby - bilikti kúshpen basyp alý nemese ustap turý, sondai-aq konstitýtsiialyq qurylymdy kúshpen ózgertýge baǵyttalǵan áreketter boiynsha kúdikke ilingen.
Budan bólek, oǵan 337-bap - qyzmettik ókilettikterin teris paidalaný deregi boiynsha da aiyp taǵylyp otyr. Atalǵan baptyń 2 jáne 4-bólikteri qamtylǵan. Iaǵni, jeke nemese ózge tulǵalardyń múddesi úshin paida tabý maqsatynda, sondai-aq jaýapty qyzmet atqaratyn laýazymdy tulǵa tarapynan jasalǵan áreketter sóz bolyp otyr.
Qazirgi tańda Tashievke qatysty elden shyqpaý týraly qolhat túrindegi bultartpaý sharasy qoldanylǵan.
Advokattyń aitýynsha, onyń qorǵaýyndaǵy azamat ózine taǵylǵan aiyptarmen kelispeidi.
