Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qazaq ǵalymdary súiekti qalpyna keltirýge arnalǵan qoljetimdi biomaterial ázirledi

Dalanews
Qazaq ǵalymdary súiekti qalpyna keltirýge arnalǵan qoljetimdi biomaterial ázirledi
Qazaq ǵalymdary súiekterdi qalpyna keltirýge arnalǵan qoljetimdi biomaterial-gidroksiapatit ázirledi. Bilim jáne ǵylym ministrligine qarasty Janý problemalary institýtynyń ǵalymdary jasap shyǵarǵan súiekti almastyratyn material sheteldik analogtardan úsh ese arzan, – dep habarlaidy Dalanews.kz QR BǴM baspasóz qyzmetine silteme jasap.

Otandyq kompaniialar taýardyń alǵashqy partiiasyn satyp alǵan. .

– Biologiialyq shikizattan gidroksiapatit termiialyq óńdeý, kúidirý, arnaiy himiialyq reaktsiialar júrgizý jáne posttermiialyq kúidirý arqyly alynady. Bizdiń modifikatsiia barlyq ádisti alýdy jaqsartý arqyly ýaqytty ulǵaitý esebinen jáne joǵary temperatýra rejimin tańdaý esebinen júzege asyrylady. Nátijesinde biz jaqsartylǵan kristaldyq qurylymy jáne ónimniń tazalyǵy joǵary (95%) sapaly material aldyq. Sheteldik kompaniialar osyndai joǵary sapaly IAÓ-niń (ikemdi avtomattandyrylǵan óndiris) 1 gramyn shamamen 32 myń teńgege satady. Al bizdiń materialdyń baǵasy 1 gramy úshin 10 myń teńgeni quraidy, – deidi QR BǴM Janý máseleleri institýtynyń ǵalymy Zulqaiyr Mansurov.

Qazir himiia ǵylymdarynyń doktory, professor Z.A. Mansurov meditsina ǵylymdarynyń doktory, QR Densaýlyq saqtaý ministrligi QazMÚBBÝ stomatologiia kafedrasynyń professory M.A. Temirbaevpen birlesip alynǵan mineraldy is júzinde qoldaný jumystaryn jalǵastyryp jatyr.

Otandyq gidroksiapatit súiek aqaýlaryn qalpyna keltirýde, súiek zaqymdalǵan jaralarda, synyqtarda, plastikalyq hirýrgiiada, iaǵni, bet súiekteriniń plastikalyq hirýrgiiasynda jáne tisterdi implantatsiialaýda qoldanylady.


– Gidroksiapatitpen qaptalǵan implantattar keri reaktsiia týdyrmaidy jáne saý súiek tinimen belsendi túrde bailanysyp, regeneratsiia men ońaltý protsesin jedeldetý qabiletine ie ekenin atap ótken jón. Bizdiń otandyq joǵary sapaly gidroksiopatit importtyq materialdardy ońai almastyra alady, – dep túsindirdi Zulqaiyr Mansurov.

Júrgizilgen zertteýlerdiń nátijeleri boiynsha QR BǴM KOKSON jáne Scopus indekstelgen derekter qorynda ǵylymi jumystar jariialandy. Bul zertteý jumysynyń senimdiligi men ózektiligin kórsetedi.

Aita keteiik, ǵylymi jumys QR BǴM granttyq qarjylandyrýy aiasynda júzege asyryldy.

 
Scopus implantat modifikatsiia Janý problemalary institýty Zulqaiyr Mansuro biomaterial gidroksiapatit termiialyq óńdeý kúidirý arnaiy himiialyq reaktsiia regeneratsiia ońaltý Madina Sádýaqasova

Oqi otyryńyz