Qazaq áıelderin balaǵattaǵan er adam Qyrǵyzstanda qamaýǵa alyndy. Endi oǵan bes jylǵa deıin bas bostandyǵynan aıyrý jazasy taǵaıyndalýy múmkin, dep habarlaıdy Dalanews.kz Bishkek qalalyq İİB-ne silteme jasap.
7 shildede Qyrǵyzstan astanasynyń 37 jastaǵy turǵyny Instagram jelisine beınerolık júktegen.
«Ol qazaq áıelderine qatysty beıádep sózder aıtyp, ultaralyq taqyrypty qozǵap, azamattardyń ar-namysy men qadir-qasıetin qorlady, ultyna baılanysty qorlaý sıpatyndaǵy sózder qoldanǵan», deıdi Bishkek İshki ister basqarmasy.
Bir aptadan soń mılısıa vıdeony túsirgen adamdy ustady. Sot sheshimimen ol bir aıǵa tergeý ızolátoryna qamaldy.
Oǵan QR QK 330-baby boıynsha «Násildik, etnostyq, ulttyq, dinı nemese óńiraralyq alaýyzdyqty qozdyrý» baby negizinde qylmystyq is qozǵaldy. Bul bap boıynsha bes jylǵa deıin bas bostandyǵynan aıyrý jazasy qarastyrylǵan.
