قازاق ەيەلدەرٸن بالاعاتتاعان ەر ادام قىرعىزستاندا قاماۋعا الىندى. ەندٸ وعان بەس جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن, دەپ حابارلايدى Dalanews.kz بٸشكەك قالالىق ٸٸب-نە سٸلتەمە جاساپ.
7 شٸلدەدە قىرعىزستان استاناسىنىڭ 37 جاستاعى تۇرعىنى Instagram جەلٸسٸنە بەينەروليك جٷكتەگەن.
«ول قازاق ەيەلدەرٸنە قاتىستى بەيەدەپ سٶزدەر ايتىپ, ۇلتارالىق تاقىرىپتى قوزعاپ, ازاماتتاردىڭ ار-نامىسى مەن قادٸر-قاسيەتٸن قورلادى, ۇلتىنا بايلانىستى قورلاۋ سيپاتىنداعى سٶزدەر قولدانعان», دەيدٸ بٸشكەك ٸشكٸ ٸستەر باسقارماسى.
بٸر اپتادان سوڭ ميليتسييا ۆيدەونى تٷسٸرگەن ادامدى ۇستادى. سوت شەشٸمٸمەن ول بٸر ايعا تەرگەۋ يزولياتورىنا قامالدى.
وعان قر قك 330-بابى بويىنشا «نەسٸلدٸك, ەتنوستىق, ۇلتتىق, دٸني نەمەسە ٶڭٸرارالىق الاۋىزدىقتى قوزدىرۋ» بابى نەگٸزٸندە قىلمىستىق ٸس قوزعالدى. بۇل باپ بويىنشا بەس جىلعا دەيٸن باس بوستاندىعىنان ايىرۋ جازاسى قاراستىرىلعان.
