«Qazaq atyn tanytqan úsh tuǵyr til» merekesi ótkizildi
Aldymen sóz kezegi berilgen mektep-gimnaziia direktory Erejepova Ǵaliia Batihanqyzy bul merekeniń memleketimizde basymdyqqa ie bolyp otyrǵan úsh tilde, iaǵni qazaq, aǵylshyn jáne orys tilderinde qatar ótkizilýin zamanǵa sai damýdyń belgisi retinde qabyldaý qajettigin atap ótti.
«Týǵan tilim – tirligimniń aiǵaǵy,
Tilim barda aitylar syr oidaǵy.
Ósse tilim, men de birge ósemin,
Óshse tilim, men de birge óshemin», – dep, táýelsiz elimizde ómir súrip otyrǵan túrli ult ókilderi arasyndaǵy dostyq pen birlikti nyǵaitý barysynda memlekettik tilge qurmet sezimderin qalyptastyrý, úsh tildilik saiasatyn damytý jolyndaǵy aitýly is-sharaǵa mekteptiń oqýshylary belsene qatysty.
«Tili bólek bolǵanymen, tilek bir,
Uly dostyq mápelegen júrek gúl.
Qazaqstan bar ulysqa shańyraq,
Shaiqalmastan shattyǵymyz tirep tur!» – dep uran aitqyzǵan osy mereke balalardy ultaralyq tatýlyqqa, birlikke baýlýdyń eń bir kórkem úlgisi bolǵandai. Is-shara barysynda mektep oqýshylary táýelsiz elimizdiń tarihy men saiasi mańyzdy oqiǵalaryn joǵary deńgeide biletinin kórsetti.
Sonymen qatar balalar túrli oiyn-saiystarda óz qabiletterin baiqatty. Mysaly, «Tapqyr dostar» saiysynda úsh oqýshydan eki top quralyp, árbir topqa úsh til boiynsha suraqtar qoiyldy. Seiilbekova A., Qojabashaeva D., Gizzatova M., Ádilbekqyzy M. t.b balalar oiynǵa qyzyǵýshylyq tanytyp, belsene qatysyp, suraqtarǵa durys jaýap berdi.
Bastaýysh synyp oqýshylary «Árqashan kún sónbesin!» ánin úsh tilde oryndasa, orta býyn oqýshylary úsh tilde óleń-jyrlar, qara sózder aitty.
Til merekesinde án aityp, bi bilegen balalar kórermenderdi ónerimen tánti etti. Atap aitar bolsaq, oqýshylar Naýryzbaev B., Jánibekova A., Jumaeva S., Tulymbetov D. qazaq, aǵylshyn jáne orys tilderinde óleńder oqysa, 6 «á» «b» synyp oqýshylary E. Hasanǵalievtiń «Atameken» ánin hor bolyp oryndady, egizder Joldasova V., Joldasova A. qazaq biin biledi.
«Árbir tilde sóile álemdi tań qylyp,
Ana tilin bilmei ósken áńgúdik.
Óser bolsań, baitaq dalań turǵanda,
Qazaq tili jasaý kerek máńgilik! Osyndai bai, asyl, alyp murany biz, jas urpaq, ári qarai jalǵastyrýymyz kerek!» – dep, balalar qazaq halqynyń ana tili retinde jáne memlekettik til retinde qazaq tiliniń mártebesin erekshe atap ótti.
Mereke sońynda mektep oqýshylary men ustazdary № 32 kitaphana qyzmetkeri Maimysh Q. jáne Dm. Snegin atyndaǵy №30 mektep-gimnaziiasy direktorynyń tárbie jónindegi orynbasary Jiǵanbaeva M.Q., kitaphanashysy Dainbaeva Q. A. uiymdastyrǵan «Memlekettik til – bolashaǵym, erteńim» atty kitap kórmesin tamashalap, qazaq tiliniń mártebesin aiǵaqtaityn birqatar jańa kitaptarmen tanysty.
Aisha Baimahanbetqyzy, № 32 kitaphana meńgerýshisi, QR mádeniet qairatkeri
