"Ýa, Elbasy – Nur-Atam,
Ár isińdi unatam.
Donald Tramppen dostasyp,
Jarqyn atty myna tań!"
nemese
"Qaitaryp Ábish Áke kálimasyn,
Qaratqan qubylaǵa qari basyn.
Aǵaiyn, ádeppenen ÁZ BABANYŃ,
Qoldaiyq bizder birge Dariǵasyn!", – dep jyrlaityn Baltabek Nurǵalievtiń óleńderin áleýmettik jelidegi paraqshasynan sholyp shyǵýyńyzǵa bolady, negizinde.
Kúni kúshe óz týrasynda, óziniń ustanymy týrasynda birneshe saitqa suhbat bergen Baltabek bul joly Qazaqstanda monarhiia qurýdy usynǵan eken. Avtordyń jelidegi jazbasyn qaz-qalpynda jariialaǵandy jón kórdik.
Ol ne deidi?
Monarhiialyq biliktiń toǵyz basymdyǵy
"Monarhiia dep memlekettiń joǵarǵy ókimet biligi jeke-dara, bir ǵana bileýshiniń qolynda bolyp, ol ákeden balaǵa mura retinde qalatyn túrin aitatynyn bárimiz jaqsy bilemiz.
Meniń armanym – bolashaqta Egemen Elimizdiń monarhiialyq memleket bolǵandyǵy.
Nege deisiz be? Men óz usynysymnyń durystyǵyn dáleldeý úshin monarhiianyń toǵyz tiimdiligin alǵa tartamyn:
Birinshiden, Monarhiia bizdiń Máńgilik El bolýymyzdyń kepili bola alady.
Ekinshiden, Monarhiia Uly Isterdiń uiytqysy bolyp júrgen Elbasymyzdyń Táýelsizdik tarihynda tyndyryp kele jatqan ulaǵatty isteriniń óshpeýine jol ashady.
Úshinshiden, Monarhiia bolashaq taq muragerin bala kezden tárbielep, eldegi turaqtylyqtyń, tynyshtyqtyń, qoǵamdyq qaýipsizdiktiń saqtalýyn qamtamasyz etip, saiasi tóńkeristerdiń oryn almaýynyń aldyn alady. Tájiribe tektilikpen jalǵasady. Beibitshilik pen kelisim basty baǵdar bolady.
«Basqarý mektebi» – atadan balaǵa ómirlik ónege bop sińedi.
«Uiada ne kórseń, ushqanda sony ilersiń» dep qazaq beker aitpaǵan.
Tekti elbasqarýdyń tiimdi tetikteri – tek monarhiiada.
Tórtinshiden, Monarhiia jarlyqtyń jedel ári sapaly oryndalýyn qadaǵalaidy. Tolassyz talqylaýlar, talastar, aitystar-tartystar tyiylady.
Besinshiden, Monarhiia memlekette uzaqmerzimdi, ustanymy berik, berekeli bastamalar men júieli jobalardyń júzege asýyna múmkindik týǵyzady. Demokratiialyq jaǵdaida Memleket basshysynyń aýysýy eldiń kópjyldardan beri áreń qoljetkizgen qaǵidalarynyń ózgerýine, qoǵamdyq ahýaldyń qubylýyna, rýhtyń quldyraýyna, asyl murattardyń adasýyna alyp keledi. «Borandy kúni berilgen ýáde tynyq kúni umytylady» deidi aǵylshyn aqyny Ý.Shekspir.
Altynshydan, Monarhiialyq júiedegi el basshysynyń memleket múddesinen aýytqýǵa, ózge maqsattarǵa alańdaýǵa murshasy bolmaidy. Sebebi ol – memlekettiń dál ózi bolyp tabylady.
Jetinshiden, Monarhiia bilik júiesiniń birtutastyǵyn ulyqtaidy. Myzǵymaityn memlekettik bilik júiesi tek monarhiia jaǵdaiynda ǵana múmkin.
Qalǵan jaǵdailarda Memlekettiń qulaýy, tipti quryp ketý qaýpi basym.
Segizinshiden, Monarhiia eldi Memleket basyna bilikke qol jetkizýdi ǵana maqsat tutqan kórseqyzar «kóldeneń kók attynyń» kelýinen qorǵaidy.
Toǵyzynshydan, Monarhiia bizdiń ekonomikalyq turǵydan zor jetistikterge jetken eń damyǵan memleketterdiń dara qatarynan tabylýymyzǵa bastaidy.
Elbasymyz Nursultan Ábishuly negizin qalaǵan Táýelsizdikti monarhiia ǵana máńgilik baiandy etpek", – dep jazǵan eken Baltabek Nurǵaliev.
Al sóziniń sońyn aqyn eki shýmaq óleńmen túiindepti:
Monarhiia – babasy men balasy,
Monarhiia – alyp shynar aǵashy!
Máńgi jasyl, máńgi asyl shynardyń,
Qasietin, tektiligin uǵar kim?
Órken jaiyp, óssek bizder bop shynar,
Odan asqan baqyt, sirá, joq shyǵar?!",
Qurmetpen, Baltabek Nurǵaliev
