Qazaq Air-degi úlesti vetnamdyq investor Sovico Group-qa satý boiynsha mámile sharttaryn anyqtaý boiynsha negizgi kelissózder aiaqtaldy. Ekonomikany jańǵyrtý jónindegi memlekettik komissiia 2024 jylǵy 20 jeltoqsandaǵy otyrysta negizgi sharttardy maquldady, dep jazady Dalanews.kz.
Bul týraly 23 jeltoqsanda Úkimet saǵatynda "Samuryq-Qazyna" UÁQ Strategiia jáne aktivterdi basqarý jónindegi birlesken basqarýshy direktory Eljas Otynshiev aitty.
"2024 jyldyń sońyna deiin" Samuryq-Qazyna" direktorlar keńesi men Úkimet tarapynan osy mámilege qatysty oń sheshim qabyldanady dep kútemiz", - dedi qor ókili.
Otynshiev investorǵa eki talap qoiylyp otyrǵanyn eske saldy. Birinshisi — 2044 jyldyń sońyna deiin 38,4 mlrd teńge mólsherindegi qaryzdy óteý, ekinshisi - investordyń osy merzimdi eki jylǵa uzartý múmkindigin qarastyra otyryp, bes jyl ishinde Boeing nemese Airbus-tyń 20 ushaǵyn satyp alýy tiis.
"Osy talaptardy qamtamasyz etý úshin vetnamdyq Sovico kompaniiasy kepildik berýge daiyn", — dedi spiker.
Aita ketsek, Qazaq Air 2023 jyly satylymǵa qoiyldy: 18 tamyzda "Samuryq-Qazyna" AQ qoryna tiesili aviakompaniianyń 49%-dan 100%-ǵa deiingi aktsiialaryn satýǵa arnalǵan ashyq eki kezeńdik konkýrstyń bastalǵany habarlandy. Aktsiialardyń bastapqy ári eń tómengi baǵasy 10,2 mlrd teńge bolyp belgilendi. Aktivti birden satý múmkin bolmady. 2023 jyldyń 13 qarashasynda jariialanǵan konkýrs ótkizilmedi dep tanyldy. 2024 jyldyń qańtarynda "Samuryq-Qazyna" qaita konkýrs jariialady, alaida ekinshisi de sátsiz boldy. Qazaq Air-dy satyp alatyn investordyń tabylǵany 2024 jylǵy 23 mamyrda belgili boldy: Qazaqstan prezidenti Qasym-Jomart Toqaev Singapýrdaǵy biznes-forýmda sóilegen sózinde vetnamdyq Sovico Group áýekompaniiasynyń usynysyn qoldap, pikir bildirdi. Biraq bul kelissózdiń júrip jatqanyna bir jyldyń júzi boldy...
Buǵan deiin bul rette Dalanews.kz "Vetnamdaǵy tuńǵysh milliarder áiel jáne Qazaqstan" degen maqala jazǵan bolatyn. Ngýen hanym - SOVICO-men bailanysty vetnamdyq Vietjet Air loýkosteriniń negizin qalaýshy.
