Qazaq Air-دەگى ۇلەستى ۆەتنامدىق ينۆەستور Sovico Group-قا ساتۋ بويىنشا مامىلە شارتتارىن انىقتاۋ بويىنشا نەگىزگى كەلىسسوزدەر اياقتالدى. ەكونوميكانى جاڭعىرتۋ جونىندەگى مەملەكەتتىك كوميسسيا 2024 جىلعى 20 جەلتوقسانداعى وتىرىستا نەگىزگى شارتتاردى ماقۇلدادى، دەپ جازادى Dalanews.kz.
بۇل تۋرالى 23 جەلتوقساندا ۇكىمەت ساعاتىندا "سامۇرىق-قازىنا" ءۇاق ستراتەگيا جانە اكتيۆتەردى باسقارۋ جونىندەگى بىرلەسكەن باسقارۋشى ديرەكتورى ەلجاس وتىنشييەۆ ايتتى.
"2024 جىلدىڭ سوڭىنا دەيىن" سامۇرىق-قازىنا" ديرەكتورلار كەڭەسى مەن ۇكىمەت تاراپىنان وسى مامىلەگە قاتىستى وڭ شەشىم قابىلدانادى دەپ كۇتەمىز"، - دەدى قور وكىلى.
وتىنشييەۆ ينۆەستورعا ەكى تالاپ قويىلىپ وتىرعانىن ەسكە سالدى. ءبىرىنشىسى — 2044 جىلدىڭ سوڭىنا دەيىن 38،4 ملرد تەڭگە مولشەرىندەگى قارىزدى وتەۋ، ەكىنشىسى - ينۆەستوردىڭ وسى مەرزىمدى ەكى جىلعا ۇزارتۋ مۇمكىندىگىن قاراستىرا وتىرىپ، بەس جىل ىشىندە Boeing نەمەسە Airbus-تىڭ 20 ۇشاعىن ساتىپ الۋى ءتيىس.
"وسى تالاپتاردى قامتاماسىز ەتۋ ءۇشىن ۆەتنامدىق Sovico كومپانياسى كەپىلدىك بەرۋگە دايىن"، — دەدى سپيكەر.
ايتا كەتسەك، Qazaq Air 2023 جىلى ساتىلىمعا قويىلدى: 18 تامىزدا "سامۇرىق-قازىنا" اق قورىنا تيەسىلى اۆياكومپانيانىڭ 49%-دان 100%-عا دەيىنگى اكسيالارىن ساتۋعا ارنالعان اشىق ەكى كەزەڭدىك كونكۋرستىڭ باستالعانى حابارلاندى. اكسيالاردىڭ باستاپقى ءارى ەڭ تومەنگى باعاسى 10،2 ملرد تەڭگە بولىپ بەلگىلەندى. اكتيۆتى بىردەن ساتۋ مۇمكىن بولمادى. 2023 جىلدىڭ 13 قاراشاسىندا جاريالانعان كونكۋرس وتكىزىلمەدى دەپ تانىلدى. 2024 جىلدىڭ قاڭتارىندا "سامۇرىق-قازىنا" قايتا كونكۋرس جاريالادى، الايدا ەكىنشىءسى دە ءساتسىز بولدى. Qazaq Air-دى ساتىپ الاتىن ينۆەستوردىڭ تابىلعانى 2024 جىلعى 23 مامىردا بەلگىلى بولدى: قازاقستان پرەزيدەنتى قاسىم-جومارت توقايەۆ سينگاپۋرداعى بيزنەس-فورۋمدا سويلەگەن سوزىندە ۆەتنامدىق Sovico Group اۋەكومپانياسىنىڭ ۇسىنىسىن قولداپ، پىكىر ءبىلدىردى. ءبىراق بۇل كەلىسسوزدىڭ ءجۇرىپ جاتقانىنا ءبىر جىلدىڭ ءجۇزى بولدى...
بۇعان دەيىن بۇل رەتتە Dalanews.kz "ۆەتنامداعى تۇڭعىش ميللياردەر ايەل جانە قازاقستان" دەگەن ماقالا جازعان بولاتىن. نگۋەن حانىم - SOVICO-مەن بايلانىستى ۆەتنامدىق Vietjet Air لوۋكوستەرىنىڭ نەگىزىن قالاۋشى.
