Kúni keshe
Tatarstan astanasy Qazan qalasynda «KazakhExport» eksporttyq saqtandyrý kompaniiasynyń ókildigi ashyldy.
Ashylý saltanatyna Tatarstannyń saýda-óndiristik palatasy tóraǵasynyń birinshi orynbasary Artýr Nikolaev, Qazaqstannyń Qazan qalasyndaǵy bas konsýly Erkin Tuqymov jáne tatar eliniń biznes ókilderi qatysty.
Aita ketsek osynyń aldynda ǵana Qazanǵa Qazaqstan prezidenti jumys saparymen baryp, Tatarstan men Qazaqstan arasyndaǵy saýda ainalymnyń kólemin 700 mln-nan 1 mlrd dollarǵa deiin ósirý qajettigin tilge tiek etken.
Tatarstannyń óndiris jáne saýda vitse-ministri German Lerner bul mejege qol jetkizý úshin birqatar sharalardyń qolǵa alynǵanyn aitty.
"Biylǵy jylǵy 6 aidyń ózinde eki eldiń arasyndaǵy saýda ainalymy 400 mln-ǵa jetti. Salystyrar bolsam, byltyrǵy jylǵy saýda ainalymy tutastai alǵanda 700 mln-nyń tóńireginde boldy", – dedi Lerner.
«Resei elindegi alǵashqy ókildigimizdi ashqaly otyrmyz. Bul eki jaqty saýda-ekonomikalyq bailanystardy damyta túseri anyq. Osy arqyly jańa naryqty igergisi keletin eksporttaýshylardy saqtandyrý turǵysynan qoldaityn bolamyz. Bizdiń kompaniianyń maqsaty ekonomikanyń shikizattyq emes sektoryna jan bitirip, bul baǵyttaǵy qyzmet túrlerin damytý.
"KazakhExport" tarapynan qazaqstandyq eksportaýshylarǵa arnap júzege asyrylǵan saqtandyrý qoldaýynyń kólemi biylǵy jyldyń 9 aiynda ǵana 100 mln dollardan asyp jyǵyldy
», – dedi óz kezeginde sharanyń shymyldyǵyn túrgen «KazakhExport» eksporttyq saqtandyrý kompaniiasynyń basqarma tóraǵasy Rýslan Ysqaqov.
Onyń atap ótkenindei, mundai keńselerdiń kóptep ashylýy kásipker men bank arasyndaǵy bailanysty jaqsartýǵa septesedi. Sonymen qatar Qazaqstanda jasalǵan taýardy tasymaldaýǵa bolatyn jańa naryq kózin tabýǵa jol ashady.
Ysqaqovtyń bulai deýi beker emes.
Qazandaǵy «KazakhExport-tyń» ókildigi tek Tatarstanmen ǵana shektelmei, onymen irgeles jatqan aimaqtardy da qamtymaq. Atap aitqanda, Nijegorod oblysy, Bashqurtstan, Orynbor, Orski, Samara, Saratov óńirleri osy ókildiktiń qyzmetin paidalaný múmkindigine ie bolady.
Qazirgi kúni Qazaqstan reseilik naryqqa negizinen dári-dármek, shái-pái, azyq-túlik ónimderi, meditsinalyq tehnika, trasformatorly jáne kabeldi qurylǵylar, ónerkásiptik ónimder tasymalaidy.
Sarapshylar pikirinshe, Qazaqstandaǵy mashina qurylysy, aýyl sharýshylyǵy, himiia jáne taǵam óndiriniń eksporttyq áleýeti zor.
Al Rýslan Ysqaqovtyń aitýynsha kompaniianyń Qazan qalasyndaǵy ókildigi alǵashqy ýaqytta qazaqstandyq kásipkerlermen jumys isteýge nietti satyp alýshylar úshin aqparattyq-nasihattyq jumystarmen ainalysatyn bolady.
Tek keler jyldan bastap ókildikke biznes-áriptesterdiń sanyn arttyrý, ekijaqty kelisimge qol jetkizý baǵytynda naqty talaptar qoiylady.
"Qazandaǵy ókildikpen shektelip qalmaimyz. Bolashaqta «KazakhExport-tyń» jalpy sany 11 ókildigin ashý oiymyzda bar. Bulardyń tórteýi Reseide, onyń ishinde Sibirde (Jańasibir), Ýralskide (Ekaterinbýrgý) jáne Máskeýde ashylatyn bolady. Sonymen qatar Qapqazda, Belorýssiia, Orta Aziia elderinde jáne Qytai jerinde óz ókildigimizdi ashýdy josparlap otyrmyz. Aitpaqshy jyl aiaǵyna deiin Reseide «KazakhExport-tyń» taǵy bir ókildigi ashylatyn bolady", – dedi Rýslan Ysqaqov.
Dalanews.kz anyqtamasy:
«KazakhExport» eksporttyq saqtandyrý kompaniiasy» AQ – «Báiterek» holdinginiń enshiles kompaniiasy.
KazakhExport ekonomikanyń basym sektorlarynda shikizattyq emes taýarlardyń, jumystardyń, qyzmetterdiń eksportynyń ósýine qoldaý kórsetýmen jáne qazaqstandyq kásiporyndarǵa qarjy-saqtandyrý jáne qarjylai emes qoldaý praktikasyn qalyptastyrýmen ainalysady.
Foto: KazakhExport
