Ulttyq bank qazan aiyndaǵy valiýta naryǵyndaǵy ahýalmen bólisti. Oǵan sáikes, ótken aida 1 AQSh dollary 488,23 teńge bolyp, ulttyq valiýta baǵamy 1,5%-ǵa álsiredi. Qor birjasyndaǵy saýda-sattyqtyń ortasha kúndik kólemi bir aida 222 millionnan 278 mln AQSh dollaryna deiin artty, saýda-sattyqtyń jalpy kólemi - 6,1 mlrd AQSh dollar, dep habarlaidy Dalanews.kz.
Ulttyq qordan respýblikalyq biýdjetke transfertterdi qamtamasyz etý úshin qazan aiynda 1 340 mln AQSh dollaryna valiýta satyldy. Ulttyq qordan satý úlesi jalpy saýda-sattyq kóleminiń 22%-yn jáne kúnine 70 mln AQSh dollarynan aspaityn mólsherdi qurady. Ulttyq bank Ulttyq qordyń qarajatymen operatsiialar júrgizý kezinde naryqtyń beitarap qaǵidatyn saqtaidy, bul shetel valiýtasyn udaiy jáne birkelki satýdy bildiredi.
BJZQ-daǵy valiýtalyq aktivter úlesi 40%-ǵa jetkenin eskere otyryp, biylǵy 10 qazannan bastap Ulttyq Bank BJZQ zeinetaqy aktivteriniń investitsiialyq portfeli úshin AQSh dollaryn satyp alýdy toqtatty. Qazanda BJZQ zeinetaqy aktivterine shetel valiýtasyn satyp alý somasy 228 mln AQSh dollaryn nemese naryqtaǵy jalpy kólemniń shamamen 4%-yn qurady.
"Ulttyq bank Ulttyq qorǵa "Qazatomónerkásip" AQ-nyń aktsiialaryn satyp alý týraly shildedegi Úkimet sheshimin iske asyrý aiasynda Ulttyq qordaǵy valiýtalyq aktivterdiń bir bóligin satý arqyly Ulttyq Banktiń altyn-valiýta rezervterine konvertatsiialady. Naryqtyq beitaraptyqty saqtap, osy operatsiiany valiýta naryǵyna shyǵarý úshin Ulttyq Bank shildeniń ortasynan bastap satyp alynǵan kólemdi birkelki satýǵa kiristi", delingen Ulttyq banktiń 2024 jyly 1 qarashada jariialaǵan habarlamasynda.
Qazanda atalǵan operatsiia aiasynda Ulttyq banktiń altyn-valiýta rezervterinen satý kólemi 253 mln AQSh dollaryn qurady. 2024 jylǵy qarashada altyn-valiýta rezervterinen 130 mln AQSh dollarynan 140 mln AQSh dollaryna deiingi mólsherde valiýta satyp alý kútilýde.
"Úkimettiń aldyn ala boljamdy ótinimderine sai, Ulttyq bank respýblikalyq biýdjetke transfertter bólýge 2024 jylǵy qarashada Ulttyq qordan 1,2 mlrd AQSh dollarynan 1,3 mlrd AQSh dollaryna deiingi mólsherde aqsha shyǵaryp, ony teńgege aiyrbastaidy dep kútiledi", delingen UB habarlamasynda. Osy faktini negizge alǵan sarapshylar qarasha aiynda teńge baǵamy nyǵaiýy múmkin ekenin boljaidy.
