Prezidenttiń tapsyrmasyna sáikes, memleketke qaitarylǵan aktivter áleýmettik mańyzy bar jobalarǵa baǵyttalýda. Osy maqsatta Úkimet Arnaiy memlekettik qordan Jetisý oblysy, Kerbulaq aýdany, Kóksai aýylynda jańa mekteptiń qurylysyna 1,4 mlrd teńge bóldi, dep habarlaidy Dalanews.kz.
Qazirgi tańda aýylda 53 oqýshy eki aýysymda oqityn jalǵyz mektep bar. Bilim ordasynda sport jáne akt zaldary, ashana joq, sondai-aq pándik kabinetterdiń jetispeýi oqý protsesine keri áser etýde. Bul máseleni sheshý úshin 60 oryndyq jańa mektep boi kótermek.
Jańa oqý orny zamanaýi standarttarǵa sai salynyp, aýyl oqýshylaryna sapaly bilim alýǵa múmkindik beredi. Sonymen qatar, mekteptegi oryn tapshylyǵy da rettelmek. Qazirdiń ózinde aýylda 7 jasqa deiingi 28 bala bar, iaǵni aldaǵy jyldary oqýshy sany arta túspek.
Jalpy, Úkimet Arnaiy memlekettik qor esebinen 58 mlrd teńgeni áleýmettik mańyzy bar nysandardyń qurylysyna baǵyttaǵan.
Bul qarajat esebinen 5 mektep (bireýi – mýzykalyq), 2 sport kesheni, kópsalaly aýrýhana, jataqhana, 2 balabaqsha jáne jedel meditsinalyq járdem stansasy salynady.
Sonymen qatar, Arqalyq, Astana jáne Almaty qalalarynda zańsyz iemdenilgen aktivterdi qaitarý aiasynda birqatar áleýmettik infraqurylym nysandarynyń qurylysy júrgizilýde.
Bul baǵyttaǵy jumystar jalǵasady.
