Almatylyq «Qairat» fýtbol klýby Chempiondar ligasynyń toptyq kezeńinde Italiianyń áigili «Inter» komandasymen kezdesti. Match Milandaǵy ańyzǵa ainalǵan «San-Siro» stadionynda ótip, 2:1 esebimen alań ieleriniń jeńisimen aiaqtaldy, dep habarlaidy Dalanews.kz.
Birinshi taimda italiialyqtar basymdyq tanytqanymen, qazaqstandyq komanda da birneshe qaýipti sát uiymdastyrdy. Edmilsonnyń baspen baǵyttaǵan soqqysyn qaqpashy Ian Zommer toitarsa, Dastan Sátpaevtyń alystan tepken doby mańdaishaǵa tidi. Osydan keiin Laýtaro Martines esep ashyp, «Interdi» alǵa shyǵardy.
Ekinshi taimda «Qairat» qorǵanysta senimdi oinap, shabýylda belsendilik tanytty. Buryshtama dobynan keiin qorǵaýshy Ofri Arad baspen soqqy jasap, esepti teńestirdi. Degenmen sońǵy minýttarda Karlos Aýgýstonyń dál soqqysy «Interge» jeńis ákeldi – 2:1.
Oiyn barysynda «Qairat» tájiribeli qarsylasyna laiyqty qarsylyq kórsetip, jankúierlerdiń qurmetine ie boldy. Kelesi kezdesýde almatylyqtar 26 qarasha kúni syrt alańda dattyń «Kopengagenimen» oinaidy.
