Qairat Satybaldyuly onlain rejimde sotqa qosyldy, - dep habarlaidy Dalanews.kz.
Astananyń qylmystyq ister jónindegi mamandandyrylǵan aýdanaralyq sotynda Qairat Satybaldyulyna qatysty negizgi sot talqylaýy bastaldy. Ol qylmystyq jolmen alynǵan aqshany zańdastyrdy dep aiyptalyp otyr.
Aita keteiik, buǵan deiin qylmystyq ister jónindegi aýdanaralyq sotqa qylmystyq jolmen alynǵan aqshany zańdastyrý týraly is túsken edi. Iaǵni Satybaldyulyna Qylmystyq kodekstiń 218-baby 3-bóliginiń 3-tarmaǵy boiynsha aiyp taǵylyp otyr.
"Sybailas jemqorlyqqa qarsy is qimyl agenttiginiń derekteri boiynsha aiyptalýshy bul aqshaǵa ártúrli múlik satyp alǵan jáne ony sheteldik bank shottaryna aýdarǵan", - dep jazylǵan derekterde.
2022 jyly naýryzda Satybaldyuly shetelge qashyp bara jatqan jerinen ustalǵan bolatyn.
Al qyrkúiekte Astana soty Qairat Satybaldyulyn alty jylǵa bas bostandyǵynan aiyrýǵa úkim shyǵardy, onyń múlki tárkilendi jáne 10 jyl boiy memlekettik qyzmette jumys isteýge tyiym salyndy. Sot barysynda Satybaldyuly "Qazaqtelekom" jáne "Kólik servis ortalyǵy" kompaniialaryna zalaldy óteý retinde ondaǵan milliard teńge tólegeni málimdeldi. Taraptar mediativtik kelisim jasasty.
2023 jyly jeltoqsanda Qairat Satybaldyuly 55 milliard teńgeden asa aqshany memleketke qaitarǵan bolatyn. Antikor Qairat Satybaldyulyna jáne basqa da adamdarǵa qatysty júrgizilip jatqan tergeý sheńberinde elden zańsyz shyǵarylǵan aktivterdi, onyń ishinde qylmystyq jolmen alynǵan aqshany jáne ózge de múlikti qaitaryp jatqanyn habarlaǵan bolatyn.
Biyl aqpanda Satybaldyulyna qatysty sotqa deiingi tergeý amaldary aiasynda biýdjetke taǵy da shamamen 82,6 milliard teńge (185 mln AQSh dollary) tústi. Odan bólek Aqmola oblysynyń Qosshy qalasyndaǵy 942 gektar jer ýchaskesi memleketke qaitaryldy. Onyń naryqtaǵy quny 13 milliard teńgeden asady.
