Qairat Satybaldynyń toqaly Máskeýdegi qymbat páterinen aiyryldy. Bul týraly "Vyhod k moriý" Telegram-arnasy jazdy, - dep habarlaidy Dalanews.kz.
Qazaqstan biligi eks-prezident Nazarbaevtyń tergeýge ilingen týystarynan ǵana emes, olardyń jaqyn ortasynan da aktivterdi qaitaryp alyp jatyr. Byltyr qarashada Sybailas jemqorlyqqa qarsy qyzmet jariialaǵan rolikte vedomstvo memleket paidasyna tárkilegen "zańsyz satyp alynǵan" aktivter týraly aitylady. Olardyń ishinde Máskeýdegi "Zolotye kliýchi" elitalyq turǵyn úi keshenindegi №25 páter týraly da aqparat bar.
"Buǵan deiin aýdany 272 sharshy metr bolatyn jáne naryqtaǵy quny 1 milliard teńgege jýyqtaityn páterge Nazarbaevtyń nemere inisi Qairat Satybaldynyń áielderiniń biri Marsela (shyn tegi - Aleksandrova, taǵy bir tegi - Martirosian) ielik etken", - dep jazdy arna.
Marsela Qairat Satybaldynyń beiresmi áieli ekeni buǵan deiin de aitylyp júr. Ol 1987 jyly 26 qarashada Gorodovikovskide dúniege kelgen. Ol biraz ýaqyt Stavropolde turyp, sodan keiin Máskeýge kóshken.
2022 jylǵy qyrkúiekte Astanadaǵy sot Qairat Satybaldyny alty jylǵa bas bostandyǵynan aiyrýǵa úkim shyǵardy, onyń múlki tárkilendi jáne 10 jyl boiy memlekettik qyzmette jumys isteýge tyiym salyndy. Sot barysynda Satybaldy "Qazaqtelekom" jáne "Kólik servis ortalyǵy" kompaniialaryna zalaldy óteý retinde ondaǵan milliard teńge tólegeni málimdeldi. Taraptar mediativtik kelisim jasasty. Qazir oǵan qatysty taǵy bir qylmystyq is tergelip jatyr.
