Antıkor 2023 jyldan beri izdeýde júrgen Darhan Ómirálıevti ustady, - dep habarlaıdy Dalanews.kz.

Sybaılas jemqorlyqqa qarsy qyzmetpen 2023 jyldan beri izdeýde júrgen Darhan Ómirálıev ustalyp, Almaty qalasy PD ÝUI qamaýǵa alyndy.

Ol buryn sot úkimimen tárkilengen úsh úı men eki páter túrindegi memlekettik múlikti jymqyrdy dep kúdiktelýde.

Alaıaqtyq Almaty qalasy boıynsha ákimdik pen UQKD laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaıtyn múlikti satý jolymen jasalǵan.

Aǵymdaǵy jyldyń 14 maýsymynda Bishkek qalasynda Darhan Ómirálıev ustalǵannan keıin ol Qyrǵyz Respýblıkasy İİM qyzmetkerlerine jeńildetilgen rásimder boıynsha óz erkimen Otanyna oralýǵa daıyndyǵy týraly habarlady.

Sol kúni Almaty qalasy prokýratýrasynyń úılestirýimen Sybaılas jemqorlyqqa qarsy qyzmet qyzmetkerleriniń súıemeldeýimen Darhan Ómirálıev azamaty Qyrǵyz Respýblıkasynyń shekarasynan ótip, Almaty qalasyna jetkizildi.

Qazirgi ýaqytta kúdiktiniń qatysýymen tergeý áreketteri júrgizilip jatyr