انتيكور 2023 جىلدان بەرى ىزدەۋدە جۇرگەن دارحان ومىرالييەۆتى ۇستادى، - دەپ حابارلايدى Dalanews.kz.
سىبايلاس جەمقورلىققا قارسى قىزمەتپەن 2023 جىلدان بەرى ىزدەۋدە جۇرگەن دارحان ومىرالييەۆ ۇستالىپ، الماتى قالاسى پد ۋۇي قاماۋعا الىندى.
ول بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك مۇلىكتى جىمقىردى دەپ كۇدىكتەلۋدە.
الاياقتىق الماتى قالاسى بويىنشا اكىمدىك پەن ۇقكد لاۋازىمدى ادامدارىنىڭ قاتىسۋىمەن باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن مۇلىكتى ساتۋ جولىمەن جاسالعان.
اعىمداعى جىلدىڭ 14 ماۋسىمىندا بىشكەك قالاسىندا دارحان ومىرالييەۆ ۇستالعاننان كەيىن ول قىرعىز رەسپۋبليكاسى ءىىم قىزمەتكەرلەرىنە جەڭىلدەتىلگەن راسىمدەر بويىنشا ءوز ەركىمەن وتانىنا ورالۋعا دايىندىعى تۋرالى حابارلادى.
سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت قىزمەتكەرلەرىنىڭ سۇيەمەلدەۋىمەن دارحان ومىرالييەۆ ازاماتى قىرعىز رەسپۋبليكاسىنىڭ شەكاراسىنان ءوتىپ، الماتى قالاسىنا جەتكىزىلدى.
قازىرگى ۋاقىتتا كۇدىكتىنىڭ قاتىسۋىمەن تەرگەۋ ارەكەتتەرى جۇرگىزىلىپ جاتىر
