Eks-senator, burynǵy bas prokýror Qairat Qojamjarovtyń jaqyn adamy Talǵat Tatýbaev ustalǵany týraly aqparat jariialandy, dep habarlaidy Dalanews.kz Elmedia-ǵa siltep.
Aqparat kózine sensek, 49 jastaǵy Talǵat Tatýbaev beisenbi kúni ustalyp, Almaty qalasyna jetkizilgen. Ol uzaq jyl boiy Qazaqstannyń ekonomikalyq qylmysqa jáne sybailas jemqorlyqqa qarsy kúres agenttiginde (qarjy politsiiasy) qyzmet atqarǵan. Ásirese, Qojamjarovtyń tusynda onyń mansaby órlep, jemqorlyqpen kúres agenttiginde departament basshysy bolǵan. Keiin Prezident ákimshiliginde quqyq qorǵaý júiesi bóliminiń meńgerýshisi orynbasary qyzmetin atqaryp, 2016-2019 jyldary Ulttyq biýro basshysy laýazymyn ielengen.
Qojamjarov bas prokýror bolyp turǵan tusta Tatýbaev Bas prokýratýranyń qylmystyq qýdalaý qyzmetiniń basshysy bolyp qyzmet atqarǵan. Keiin Ádilet ministriniń keńesshisi qyzmetin 2022 jyldyń naýryzyna deiin jalǵastyrǵan.
Elmedia basylymynyń derekkózine súiensek, Talǵat Tatýbaevqa "BTA bank" qyzmetkerlerine qatysty azaptaý tásilderin qoldandy degen aýyr aiyp taǵylyp otyr. Bul derek burynnan beri quqyq qorǵaýshylar men advokattar tarapynan kóterilip kele jatqan, bank aktivteri úshin bolǵan qaqtyǵys kezeńindegi iri istiń jalǵasy bolýy múmkin. Tatýbaev osy is aiasynda azaptaý áreketterin uiymdastyrýshy nemese qatysýshy retinde tergelip jatqany aitylǵan.
Bul is Bas prokýratýra janynan qurylǵan arnaiy vedomstvoaralyq tergeý tobynyń baqylaýynda. Sondai-aq, derekkózdiń habarlaýynsha, prokýratýra men quqyq qorǵaý organdarynda qyzmet atqaratyn Qojamjarovtyń basqa da jaqyn serikteri Tatýbaevty qamaýdan bosatyp alýǵa árekettenip jatqan kórinedi.
Ázirge Bas prokýratýra bul iske qatysty resmi túsinikteme bergen joq. Vedomstvo aqparatty rastaǵan da, joqqa shyǵarǵan da joq.
