Eýropalyq fýtbol qaýymdastyqtary odaǵy (ÝEFA) "Qairat" qaqpashysy Sherhan Qalmurzanyń seivin Chempiondar ligasynyń oiyn kúnindegi úzdikterdiń biri dep atady, dep habarlaidy Dalanews.kz.
ÝEFA baspasóz qyzmeti jazba jariialap, onda jankúierlerden qai seivtiń úzdik bolǵanyn tańdaýdy surady.
Úzdik bestiktiń qataryna almatylyq komandanyń 18 jastaǵy qaqpashysynyń oiyny endi. Ol tarihi "Sportingke" qarsy matchtyń nebári besinshi minýtynda komandany qaýipti soqqydan qutqaryp qaldy.
Aita keteiik, Qalmurzadan bólek tizimde "Galatasarai" qaqpashysy Ýgýrdjan Chakir, "Napoli" sapyndaǵy Vania Milinkovich-Savich, "Niýkasldyń" qaqpashysy Nik Poýp jáne "Sportingtiń" oiynshysy Jýan Virjiniia da bar. Sońǵysy dál osy kezdesýde Dastan Sátpaevtyń soqqysyn qaitaryp, portýgaldyqtardy aman alyp qalǵan edi.
Sherhan Qalmurza – Chempiondar ligasy tarihyndaǵy eń jas qaqpashylardyń biri
Eske sala keteiik, Sherhan – "Qairattyń" resmi túrde úshinshi qaqpashysy. Ol Aleksandr Zarýtskii men Temirlan Anarbekov jaraqat alǵannan keiin negizgi quramnan oryn aldy.
"Sportingke" qarsy match onyń Chempiondar ligasyndaǵy ǵana emes, eresekter deńgeiindegi alǵashqy resmi oiyny boldy.
Bul kórsetkish oǵan Chempiondar ligasy tarihyndaǵy eń jas úsh qaqpashynyń qataryna kirýge múmkindik berdi. Qazaqstandyq qaqpashy áigili Iker Kasiliastan (18 jas 118 kún) jáne David de Headan (18 jas 327 kún) erterek alańǵa shyqqan.
Sherhannan jas bolyp tek eki qaqpashy ǵana oinaǵan: 2017 jyly "Benfika" sapynda Mile Svilar (18 jas 52 kún) jáne 2019 jyly "Genk" qaqpashysy Maarten Vandevoordt (17 jas 287 kún).
Aita ketsek, Sherhan Qalmurzanyń enshisinde oiyn ústindegi seivterden bólek, qaitarylǵan penalti de bar. Dál osy sát "Qairattyń" birinshi taim boiy qaqpasyn goldan aman saqtap qalýyna kómektesti.
Match qorytyndysy – 4:1.
