ەۋروپالىق فۋتبول قاۋىمداستىقتارى وداعى (ۋەفا) "قايرات" قاقپاشىسى شەرحان قالمۇرزانىڭ سەيۆٸن چەمپيوندار ليگاسىنىڭ ويىن كٷنٸندەگٸ ٷزدٸكتەردٸڭ بٸرٸ دەپ اتادى, دەپ حابارلايدى Dalanews.kz.
ۋەفا باسپاسٶز قىزمەتٸ جازبا جارييالاپ, وندا جانكٷيەرلەردەن قاي سەيۆتٸڭ ٷزدٸك بولعانىن تاڭداۋدى سۇرادى.
ٷزدٸك بەستٸكتٸڭ قاتارىنا الماتىلىق كوماندانىڭ 18 جاستاعى قاقپاشىسىنىڭ ويىنى ەندٸ. ول تاريحي "سپورتينگكە" قارسى ماتچتىڭ نەبەرٸ بەسٸنشٸ مينۋتىندا كوماندانى قاۋٸپتٸ سوققىدان قۇتقارىپ قالدى.
ايتا كەتەيٸك, قالمۇرزادان بٶلەك تٸزٸمدە "گالاتاساراي" قاقپاشىسى ۋگۋردجان چاكير, "ناپولي" ساپىنداعى ۆانيا ميلينكوۆيچ-ساۆيچ, "نيۋكاسلدىڭ" قاقپاشىسى نيك پوۋپ جەنە "سپورتينگتٸڭ" ويىنشىسى جۋان ۆيرجينييا دا بار. سوڭعىسى دەل وسى كەزدەسۋدە داستان سەتپاەۆتىڭ سوققىسىن قايتارىپ, پورتۋگالدىقتاردى امان الىپ قالعان ەدٸ.
شەرحان قالمۇرزا – چەمپيوندار ليگاسى تاريحىنداعى ەڭ جاس قاقپاشىلاردىڭ بٸرٸ
ەسكە سالا كەتەيٸك, شەرحان – "قايراتتىڭ" رەسمي تٷردە ٷشٸنشٸ قاقپاشىسى. ول الەكساندر زارۋتسكيي مەن تەمٸرلان اناربەكوۆ جاراقات العاننان كەيٸن نەگٸزگٸ قۇرامنان ورىن الدى.
"سپورتينگكە" قارسى ماتچ ونىڭ چەمپيوندار ليگاسىنداعى عانا ەمەس, ەرەسەكتەر دەڭگەيٸندەگٸ العاشقى رەسمي ويىنى بولدى.
بۇل كٶرسەتكٸش وعان چەمپيوندار ليگاسى تاريحىنداعى ەڭ جاس ٷش قاقپاشىنىڭ قاتارىنا كٸرۋگە مٷمكٸندٸك بەردٸ. قازاقستاندىق قاقپاشى ەيگٸلٸ يكەر كاسيلياستان (18 جاس 118 كٷن) جەنە داۆيد دە حەادان (18 جاس 327 كٷن) ەرتەرەك الاڭعا شىققان.
شەرحاننان جاس بولىپ تەك ەكٸ قاقپاشى عانا ويناعان: 2017 جىلى "بەنفيكا" ساپىندا ميلە سۆيلار (18 جاس 52 كٷن) جەنە 2019 جىلى "گەنك" قاقپاشىسى ماارتەن ۆاندەۆووردت (17 جاس 287 كٷن).
ايتا كەتسەك, شەرحان قالمۇرزانىڭ ەنشٸسٸندە ويىن ٷستٸندەگٸ سەيۆتەردەن بٶلەك, قايتارىلعان پەنالتي دە بار. دەل وسى سەت "قايراتتىڭ" بٸرٸنشٸ تايم بويى قاقپاسىن گولدان امان ساقتاپ قالۋىنا كٶمەكتەستٸ.
ماتچ قورىتىندىسى – 4:1.
