Bul týraly ol Instagram jelisinde jazdy. Onyń aitýynsha, qazir enesi anasyndai bolyp ketken.
– Meniń enemniń, kelin tárbieleýinde ózindik stili men ustanymy bar. Ózim ata-ene qolynda 5-6 jyl turdym, pistim desem bolady. Oramal taǵyp, sálemimdi salyp, tańerteń erte turdym (esik aldyn sypyrdym demeimin) biraq ystyq nanymdy kúnde tańda pisiretinmin. Urpaq ákelip, ana atandym. Jalpy qandai jaǵdai bolmasyn ata-enemniń aitqanyn jerge tastamaýǵa tyrsatynmyn, odan jaman bolǵan emespin qaita qatelikterimdi túzedim. Uzyn sózdiń qysqasy...
Ene institýtyn terlep-tepshigip, úzdikke bitirdim.
Sodan soń, bizdi jeke otbasy bolýymyzǵa senimdi bolǵandyqtan bolar, ata-anamyz enshimizdi bólip berdi. Onyń ózi biz úshin úlken jaýapkershilikke ainaldy. Biraq áli kúnge deiin, bir shańyraqtyń astynda turatyn siiaqtymyz. Kóbine dastarxan basynda birigip turamyz, – dep aǵynan jaryldy ánshiniń áieli.
Aitýynsha, Gúlzira Aidarbekovaa oǵan qazirgi tańda enesi emes – anasyndai bolyp ketken. "Men ózime enemniń erekshe qasietterin (bolashaq enege) túrtip aldym: eń bastysy qatańdyqpen emes danalyqpen tárbieleýi; kináláitin emes úiretýi; ózgeniń kózinshe baǵalaý; ulyn emes kelinin qorǵashtaý; basqanyń kelinimen salystyryp, kemistpeýi; úidegi áńgimeni syrtqa shyǵarmaýy; áli de úirenip, túietinim kóp... Ene men kelin tatýlyǵyna- áýlettik estafetany bir-birine durys usynýy, otbasy qundylyǵyn saqtap qalýǵa kóp septigin tigizedi degen oidamyn", – dep jazdy ol.
Onyń pikirinshe, qazaqtyń dástúrli otbasynda ene men kelin arasyndaǵy qarym-qatynasta eshqandai qiyndyq bolǵan emes.
– Negizinde, tarixqa júginsek, qazaqtyń dástúrli otbasynda ene men kelin arasyndaǵy qarym-qatynasta eshqandai qiyndyq bolǵan emes dep oilaimyn. Sebebi, eki aradaǵy kelispeýshilkter jaily sheshendik sóz kezdespeidi. Qazirgi qoǵamda eneni syilamaý, mysqyldaý ideiasy (anekdottar) – orystyń saltynan, evropanyń stilinen enip jatyr. Menińshe sol elderderdiń - bezbúirek, uiatsyz, arsyz psixologiiasy. Bul bizdiń mentalitetke múldem kirmeidi jáne kirgizbeý kerek! Sebebi, parasatty, qany qazaq er azamaty anasyna eń úlken qurmettiń kórsetilgenin qalaidy.
Kelinderdiń enesine jasaǵan ár-bir áreketi – óziniń enelik ómiriniń kirpishi.
Eger de, jaqsy kelinge qol jetkizgisi kelgen áiel óz enesine qolynan kelgen qurmetti aiamaý kerektigin túsiný qajet. Árbir kelin enege qarap oi túzep, boiyn túzeidi degen pikirime kelisesiz be? – degen oi aitty Juldyz Ábdýkárimova.
