بۇل تۋرالى ول Instagram جەلىسىندە جازدى. ونىڭ ايتۋىنشا، ءقازىر ەنەسى اناسىنداي بولىپ كەتكەن.
– مەنىڭ ەنەمنىڭ، كەلىن تاربيەلەۋىندە وزىندىك ءستيلى مەن ۇستانىمى بار. ءوزىم اتا-ەنە قولىندا 5-6 جىل تۇردىم، ءپىستىم دەسەم بولادى. ورامال تاعىپ، سالەمىمدى سالىپ، تاڭەرتەڭ ەرتە تۇردىم (ەسىك الدىن سىپىردىم دەمەيمىن) ءبىراق ىستىق نانىمدى كۇندە تاڭدا پىسىرەتىنمىن. ۇرپاق اكەلىپ، انا اتاندىم. جالپى قانداي جاعداي بولماسىن اتا-ەنەمنىڭ ايتقانىن جەرگە تاستاماۋعا تىرساتىنمىن، ودان جامان بولعان ەمەسپىن قايتا قاتەلىكتەرىمدى تۇزەدىم. ۇزىن ءسوزدىڭ قىسقاسى...
ەنە ينستيتۋتىن تەرلەپ-تەپشىگىپ، ۇزدىككە ءبىتىردىم.
سودان سوڭ، ءبىزدى جەكە وتباسى بولۋىمىزعا سەنىمدى بولعاندىقتان بولار، اتا-انامىز ەنشىمىزدى ءبولىپ بەردى. ونىڭ ءوزى ءبىز ءۇشىن ۇلكەن جاۋاپكەرشىلىككە اينالدى. ءبىراق ءالى كۇنگە دەيىن، ءبىر شاڭىراقتىڭ استىندا تۇراتىن سياقتىمىز. كوبىنە داستارxان باسىندا بىرىگىپ تۇرامىز، – دەپ اعىنان جارىلدى ءانشىنىڭ ايەلى.
ايتۋىنشا، گۇلزيرا ايداربەكوۆاا وعان قازىرگى تاڭدا ەنەسى ەمەس – اناسىنداي بولىپ كەتكەن. "مەن وزىمە ەنەمنىڭ ەرەكشە قاسيەتتەرىن (بولاشاق ەنەگە) ءتۇرتىپ الدىم: ەڭ باستىسى قاتاڭدىقپەن ەمەس دانالىقپەن تاربيەلەۋى؛ كىنالايتىن ەمەس ۇيرەتۋى؛ وزگەنىڭ كوزىنشە باعالاۋ؛ ۇلىن ەمەس كەلىنىن قورعاشتاۋ؛ باسقانىڭ كەلىنىمەن سالىستىرىپ، كەمىستپەۋى؛ ۇيدەگى اڭگىمەنى سىرتقا شىعارماۋى؛ ءالى دە ۇيرەنىپ، تۇيەتىنىم كوپ... ەنە مەن كەلىن تاتۋلىعىنا- اۋلەتتىك ەستافەتانى بىر-بىرىنە دۇرىس ۇسىنۋى، وتباسى قۇندىلىعىن ساقتاپ قالۋعا كوپ سەپتىگىن تيگىزەدى دەگەن ويدامىن"، – دەپ جازدى ول.
ونىڭ پىكىرىنشە، قازاقتىڭ ءداستۇرلى وتباسىندا ەنە مەن كەلىن اراسىنداعى قارىم-قاتىناستا ەشقانداي قيىندىق بولعان ەمەس.
– نەگىزىندە، تاريxقا جۇگىنسەك، قازاقتىڭ ءداستۇرلى وتباسىندا ەنە مەن كەلىن اراسىنداعى قارىم-قاتىناستا ەشقانداي قيىندىق بولعان ەمەس دەپ ويلايمىن. سەبەبى، ەكى اراداعى كەلىسپەۋشىلكتەر جايلى شەشەندىك ءسوز كەزدەسپەيدى. قازىرگى قوعامدا ەنەنى سىيلاماۋ، مىسقىلداۋ يدەياسى (انەكدوتتار) – ورىستىڭ سالتىنان، ەۆروپانىڭ ستيلىنەن ەنىپ جاتىر. مەنىڭشە سول ەلدەردەردىڭ - بەزبۇيرەك، ۇياتسىز، ارسىز پسيxولوگياسى. بۇل ءبىزدىڭ مەنتاليتەتكە مۇلدەم كىرمەيدى جانە كىرگىزبەۋ كەرەك! سەبەبى، پاراساتتى، قانى قازاق ەر ازاماتى اناسىنا ەڭ ۇلكەن قۇرمەتتىڭ كورسەتىلگەنىن قالايدى.
كەلىندەردىڭ ەنەسىنە جاساعان ءار-بىر ارەكەتى – ءوزىنىڭ ەنەلىك ءومىرىنىڭ كىرپىشى.
ەگەر دە، جاقسى كەلىنگە قول جەتكىزگىسى كەلگەن ايەل ءوز ەنەسىنە قولىنان كەلگەن قۇرمەتتى اياماۋ كەرەكتىگىن ءتۇسىنۋ قاجەت. ءاربىر كەلىن ەنەگە قاراپ وي تۇزەپ، بويىن تۇزەيدى دەگەن پىكىرىمە كەلىسەسىز بە؟ – دەگەن وي ايتتى جۇلدىز ابدۋكارىموۆا.
