Qaırat Nurtasqa sot úkimi shyqty, dep habarlaıdy Dalanews.kz.

Ánshi 15 táýlikke qamaýǵa alyndy. 

"Qaýly etemin: taraptardyń tatýlasýy týraly kelisim bekitilsin. Qaırat Nurtasuly Aıdarbekovke qatysty ÁQBtK-niń 73-babynyń 1-1-bóligimen ("Densaýlyqqa qasaqana jeńil zıan keltirý") is taraptardyń tatýlasýyna baılanysty toqtatylsyn. 

Qaırat Nurtasuly Aıdarbekov ÁQBtK-niń 434-babynyń 2-bóligimen kináli dep tanylyp, 15 táýlikke ákimshilik qamaqqa alynsyn", - dedi sýdıa.

Ol qamaýǵa alý merzimi 4 shildeden bastap saǵat 23:50-de esepteletinin aıtty. Ánshi jazasyn Shymkent qalalyq ákimshilik polısıa basqarmasynda óteıtin boldy.

Úkim áli zańdy kúshine engen joq. Taraptar apelásıaǵa bere alady. 

Eske salaıyq, Qaırat Nurtas ushaqta tóbeles shyǵarǵany úshin qylmystyq is fıgýranty bolǵan edi. 

Ánshi qamaýǵa alynyp, is materıaldary sotqa jiberildi. Ánshiniń ózi jábirlenýshi ekenin málimdegen bolatyn.