قايرات نۇرتاسقا سوت ۇكىمى شىقتى، دەپ حابارلايدى Dalanews.kz.

ءانشى 15 تاۋلىككە قاماۋعا الىندى. 

"قاۋلى ەتەمىن: تاراپتاردىڭ تاتۋلاسۋى تۋرالى كەلىسىم بەكىتىلسىن. قايرات نۇرتاس ۇلى ايداربەكوۆكە قاتىستى اقبتك-نىڭ 73-بابىنىڭ 1-1-بولىگىمەن ("دەنساۋلىققا قاساقانا جەڭىل زيان كەلتىرۋ") ءىس تاراپتاردىڭ تاتۋلاسۋىنا بايلانىستى توقتاتىلسىن. 

قايرات نۇرتاس ۇلى ايداربەكوۆ اقبتك-نىڭ 434-بابىنىڭ 2-بولىگىمەن كىنالى دەپ تانىلىپ، 15 تاۋلىككە اكىمشىلىك قاماققا الىنسىن"، - دەدى سۋديا.

ول قاماۋعا الۋ مەرزىمى 4 شىلدەدەن باستاپ ساعات 23:50-دە ەسەپتەلەتىنىن ايتتى. ءانشى جازاسىن شىمكەنت قالالىق اكىمشىلىك پوليسيا باسقارماسىندا وتەيتىن بولدى.

ۇكىم ءالى زاڭدى كۇشىنە ەنگەن جوق. تاراپتار اپەللياسياعا بەرە الادى. 

ەسكە سالايىق، قايرات نۇرتاس ۇشاقتا توبەلەس شىعارعانى ءۇشىن قىلمىستىق ءىس فيگۋرانتى بولعان ەدى. 

ءانشى قاماۋعا الىنىپ، ءىس ماتەريالدارى سوتقا جىبەرىلدى. ءانشىنىڭ ءوزى جابىرلەنۋشى ەكەنىن مالىمدەگەن بولاتىن.