Qairat Nurtasqa qansha aiyppul salynǵany belgili boldy
Almaty qalasy sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabulovtyń aitýynsha, ánshige 30 AEK, iaǵni 87 510 teńge aiyppul salyndy.
"Almaty qalasyndaǵy reid barysynda monitoringtik top oiyn-saýyq mekemeleriniń birinde 80-nen astam adamnyń qatysýymen ótip jatqan týǵan kúndi anyqtady.
Kelýshiler arasynda Qairat Nurtas ta boldy, ol da basqalarmen birge ákimshilik quqyq buzýshylyq týraly hattama jasaý úshin politsiia basqarmasyna jetkizildi. Barlyǵyna 30 AEK kóleminde aiyppul salyndy,– dep atap ótti Sádýaqas Baiǵabulov.
Ánshiniń buǵan deiin Almatyda jasyryn ótkizilgen toida bolyp, tekserý kezinde restorannan qashyp bara jatqan videosy tarap ketken.
Ánshiniń ózi eldi shýlatqan daýly videoǵa bailanysty aqtalǵandai bolyp, video jariialady.
"Qashty dei me? Qudaiǵa shúkir, Almatyda júrmiz. Keshe bir aǵamyzdyń týǵan kúnine baryp edik. Dál meni ustaǵysy keldi me? Maǵan qarap qaldy ma? Allanyń kózi týra bolsyn, qudai bar ǵoi", – dedi ol.
https://youtu.be/Te8QLO23yEk
