الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابۇلوۆتىڭ ايتۋىنشا، انشىگە 30 اەك، ياعني 87 510 تەڭگە ايىپپۇل سالىندى.
"الماتى قالاسىنداعى رەيد بارىسىندا مونيتورينگتىك توپ ويىن-ساۋىق مەكەمەلەرىنىڭ بىرىندە 80-نەن استام ادامنىڭ قاتىسۋىمەن ءوتىپ جاتقان تۋعان كۇندى انىقتادى.
كەلۋشىلەر اراسىندا قايرات نۇرتاس تا بولدى، ول دا باسقالارمەن بىرگە اكىمشىلىك قۇقىق بۇزۋشىلىق تۋرالى حاتتاما جاساۋ ءۇشىن پوليسيا باسقارماسىنا جەتكىزىلدى. بارلىعىنا 30 اەك كولەمىندە ايىپپۇل سالىندى،– دەپ اتاپ ءوتتى ءسادۋاقاس بايعابۇلوۆ.
ءانشىنىڭ بۇعان دەيىن الماتىدا جاسىرىن وتكىزىلگەن تويدا بولىپ، تەكسەرۋ كەزىندە رەستوراننان قاشىپ بارا جاتقان ۆيدەوسى تاراپ كەتكەن.
ءانشىنىڭ ءوزى ەلدى شۋلاتقان داۋلى ۆيدەوعا بايلانىستى اقتالعانداي بولىپ، ۆيدەو جاريالادى.
"قاشتى دەي مە؟ قۇدايعا شۇكىر، الماتىدا ءجۇرمىز. كەشە ءبىر اعامىزدىڭ تۋعان كۇنىنە بارىپ ەدىك. ءدال مەنى ۇستاعىسى كەلدى مە؟ ماعان قاراپ قالدى ما؟ اللانىڭ كوزى تۋرا بولسىن، قۇداي بار عوي"، – دەدى ول.
https://youtu.be/Te8QLO23yEk
