UEFA Chempiondar ligasynyń jetinshi týrynda almatylyq “Qairat” óz alańynda belgiialyq “Briýgge” komandasyna ese jiberdi, dep habarlaidy Dalanews.kz.
Match Almatydaǵy “Ortalyq” stadionda ótti. Oiynǵa litvalyq tóreshi Donatas Rýmshas qazylyq etti.
Matchtyń 32-minýtynda qonaqtar sapynan shabýylshy Aleksandar Stankovich esep ashty. Al 38-minýtta jartylai qorǵaýshy Hans Vanaken “Briýggeniń” basymdyǵyn eselei tústi.
75-minýtta Romeo Verman úshinshi goldy soqsa, 84-minýtta Brandon Mehele esepti 4:0-ge jetkizdi. Ekinshi taimǵa qosylǵan ýaqytta “Qairat” sapynan Ádilet Sadyqbekov bir golmen jaýap qaitardy.
Jeti týr qorytyndysy boiynsha “Qairat” bar bolǵany 1 upai jinap, týrnir kestesinde 36-orynda tur. Al “Briýgge” 7 upaimen 23-orynǵa jaiǵasty.
Chempiondar ligasynyń osy maýsymdaǵy finaly 2026 jylv 30 mamyrda Býdapeshttegi “Pýshkash Arena” stadionynda ótedi.
