“قايرات” كلۋبى “بريۋگگە” كلۋبىنا ەسە جٸبەردٸ

UEFA چەمپيوندار ليگاسىنىڭ جەتٸنشٸ تۋرىندا الماتىلىق “قايرات” ٶز الاڭىندا بەلگييالىق “بريۋگگە” كومانداسىنا ەسە جٸبەردٸ, دەپ حابارلايدى Dalanews.kz.

ماتچ الماتىداعى “ورتالىق” ستاديوندا ٶتتٸ. ويىنعا ليتۆالىق تٶرەشٸ دوناتاس رۋمشاس قازىلىق ەتتٸ.

ماتچتىڭ 32-مينۋتىندا قوناقتار ساپىنان شابۋىلشى الەكساندار ستانكوۆيچ ەسەپ اشتى. ال 38-مينۋتتا جارتىلاي قورعاۋشى حانس ۆاناكەن “بريۋگگەنٸڭ” باسىمدىعىن ەسەلەي تٷستٸ.

75-مينۋتتا رومەو ۆەرمان ٷشٸنشٸ گولدى سوقسا, 84-مينۋتتا براندون مەحەلە ەسەپتٸ 4:0-گە جەتكٸزدٸ.  ەكٸنشٸ تايمعا قوسىلعان ۋاقىتتا “قايرات” ساپىنان ەدٸلەت سادىقبەكوۆ بٸر گولمەن جاۋاپ قايتاردى.

جەتٸ تۋر قورىتىندىسى بويىنشا “قايرات” بار بولعانى 1 ۇپاي جيناپ, تۋرنير كەستەسٸندە 36-ورىندا تۇر. ال “بريۋگگە” 7 ۇپايمەن 23-ورىنعا جايعاستى.

چەمپيوندار ليگاسىنىڭ وسى ماۋسىمداعى فينالى 2026 جىلۆ 30 مامىردا بۋداپەشتتەگٸ “پۋشكاش ارەنا” ستاديونىندا ٶتەدٸ.