Ánshi Aıqyn Tólepbergen búgin túnde ustalǵan kásipker Qaırat Qudaıbergendi qoldap post jazdy.
– Qaırat eńbekqor, jáne eline jany ashıtyn azamat. Ol kúni maroderlardan ákimdikti qorǵaýǵa tyrysqanyn, jáne jigittermen toptasyp magazınderdi tonaýdan qorǵaǵanyn bilemin. Bári durys jaǵynan sheshilip ketetinine senimdimin, – dep jazdy ánshi óz paraqshasynda.
Aıta keteıik, búgin Qaırat Qudaıbergendi vedomstvoaralyq jedel-tergeý toby jappaı tártipsizdikterdi uıymdastyrý men oǵan qatystydegen kúdikpen ustady.
Almatydaǵy qańtar tártipsizdikteri kezinde Qaırat Qudaıbergen «Dıkkıı Arman» laqap atymen tanymal Arman Jumageldıevtiń qasynan kóringen bolatyn
Qalalyq prokýratýra taratqan aqparatqa súıensek, Qaırat Qudaıbergen «Dıkkıı Arman» laqap atymen tanymal Arman Jumageldıevpen birge «Qazaqstan» qonaq úıinde adamdar jınaýdy uıymdastyryp, onyń aınalasyna birigýge jáne bıliktiń biryńǵaı talaptaryn usynýǵa shaqyrǵan. Sondaı-aq ol adamdardy 10 adamnan «uıashyqtar» boıynsha bólip jáne olardyń toptarynyń erekshelikteriniń belgisi retinde qoldaryna aq tańǵyshtardy tańýǵa nusqaý bergen.
«Qudaıbergen-Jumageldıev uıymdastyrǵan bul zańǵa qarsy aksıa zorlyq-zombylyq pen túrli aýyrlyqtaǵy dene jaraqattaryn keltirýmen jappaı tóbeleske ulasty» dedi prokýratýrada.
