ءانشى ايقىن تولەپبەرگەن بۇگىن تۇندە ۇستالعان كاسىپكەر قايرات قۇدايبەرگەندى قولداپ پوست جازدى.
– قايرات ەڭبەكقور، جانە ەلىنە جانى اشيتىن ازامات. ول كۇنى مارودەرلاردان اكىمدىكتى قورعاۋعا تىرىسقانىن، جانە جىگىتتەرمەن توپتاسىپ ماگازيندەردى توناۋدان قورعاعانىن بىلەمىن. ءبارى دۇرىس جاعىنان شەشىلىپ كەتەتىنىنە سەنىمدىمىن، – دەپ جازدى ءانشى ءوز پاراقشاسىندا.
ايتا كەتەيىك، بۇگىن قايرات قۇدايبەرگەندى ۆەدومستۆوارالىق جەدەل-تەرگەۋ توبى جاپپاي تارتىپسىزدىكتەردى ۇيىمداستىرۋ مەن وعان قاتىستىدەگەن كۇدىكپەن ۇستادى.
الماتىداعى قاڭتار تارتىپسىزدىكتەرى كەزىندە قايرات قۇدايبەرگەن «ديككيي ارمان» لاقاپ اتىمەن تانىمال ارمان جۇماگەلدييەۆتىڭ قاسىنان كورىنگەن بولاتىن
قالالىق پروكۋراتۋرا تاراتقان اقپاراتقا سۇيەنسەك، قايرات قۇدايبەرگەن «ديككيي ارمان» لاقاپ اتىمەن تانىمال ارمان جۇماگەلدييەۆپەن بىرگە «قازاقستان» قوناق ۇيىندە ادامدار جيناۋدى ۇيىمداستىرىپ، ونىڭ اينالاسىنا بىرىگۋگە جانە بيلىكتىڭ ءبىرىڭعاي تالاپتارىن ۇسىنۋعا شاقىرعان. سونداي-اق ول ادامداردى 10 ادامنان «ۇياشىقتار» بويىنشا ءبولىپ جانە ولاردىڭ توپتارىنىڭ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەن.
«قۇدايبەرگەن-جۇماگەلدييەۆ ۇيىمداستىرعان بۇل زاڭعا قارسى اكسيا زورلىق-زومبىلىق پەن ءتۇرلى اۋىرلىقتاعى دەنە جاراقاتتارىن كەلتىرۋمەن جاپپاي توبەلەسكە ۇلاستى» دەدى پروكۋراتۋرادا.
