Onyń aitýynsha, Qazaqstanda COVID-19-ǵa qarsy tórt millionnan astam vaktsina bar, ol «vaktsinatsiia men revaktsinatsiiaǵa jetedi». Sol sebepti «qosymsha vaktsina shyǵarylmaidy, satyp alynbaidy» dep málimdedi bas sanitar dáriger.
– «Spýtnik V» vaktsinasyn satyp alý josparda joq. Qaraǵandy farmkombinaty vaktsina shyǵarǵanǵa deiin jasaǵan dárilerin jasai beredi, – dedi Esmaǵambetova.
Qazaqstan reselik «Spýtnik V» vaktsinasyn halyqqa saldyrý naýqanyn 2021 jylǵy aqpanda bastady. Sol kezde vaktsinanyń bul túri Qazaqstanda resmi tirkelmegen edi.
Qazaqstan «Spýtnik V» vaktsinasyn Qaraǵandy farmzaýyt bazasynda óndirdi. Onyń qojaiyndarynyń biri – Qairat Boranbaev, eks-prezident Nursultan Nazarbaevtyń úlken qyzy Dariǵa Nazarbaevanyń burynǵy qudasy.
17 naýryzda qarjy politsiiasy Qairat Boranbaevty «kvazimemlekettik sektorda asa iri kólemde aqsha jymqyrdy» degen kúdikpen ustaǵanyn habarlady.
Sodan keiin ǵana Qazaqstan Pfizer kompaniiasy vaktsinalaryn azamattarǵa jappai ege bastady. Bilik bul jaǵdaidyń Boranbaevtyń qamaýǵa túsýine eshqandai qatysy joq dep otyr.
