ونىڭ ايتۋىنشا، قازاقستاندا COVID-19-عا قارسى ءتورت ميلليوننان استام ۆاكسينا بار، ول «ۆاكسيناسيا مەن ريەۆاكسيناسياعا جەتەدى». سول سەبەپتى «قوسىمشا ۆاكسينا شىعارىلمايدى، ساتىپ الىنبايدى» دەپ مالىمدەدى باس سانيتار دارىگەر.
– «سپۋتنيك V» ۆاكسيناسىن ساتىپ الۋ جوسپاردا جوق. قاراعاندى فارمكومبيناتى ۆاكسينا شىعارعانعا دەيىن جاساعان دارىلەرىن جاساي بەرەدى، – دەدى ەسماعامبەتوۆا.
قازاقستان رەسەلىك «سپۋتنيك V» ۆاكسيناسىن حالىققا سالدىرۋ ناۋقانىن 2021 جىلعى اقپاندا باستادى. سول كەزدە ۆاكسينانىڭ بۇل ءتۇرى قازاقستاندا رەسمي تىركەلمەگەن ەدى.
قازاقستان «سپۋتنيك V» ۆاكسيناسىن قاراعاندى فارمزاۋىت بازاسىندا ءوندىردى. ونىڭ قوجايىندارىنىڭ ءبىرى – قايرات بورانبايەۆ، ەكس-پرەزيدەنت نۇرسۇلتان نازاربايەۆتىڭ ۇلكەن قىزى داريعا نازاربايەۆانىڭ بۇرىنعى قۇداسى.
17 ناۋرىزدا قارجى پوليسياسى قايرات بورانبايەۆتى «كۆازيمەملەكەتتىك سەكتوردا اسا ءىرى كولەمدە اقشا جىمقىردى» دەگەن كۇدىكپەن ۇستاعانىن حابارلادى.
سودان كەيىن عانا قازاقستان Pfizer كومپانياسى ۆاكسينالارىن ازاماتتارعا جاپپاي ەگە باستادى. بيلىك بۇل جاعدايدىڭ بورانبايەۆتىڭ قاماۋعا تۇسۋىنە ەشقانداي قاتىسى جوق دەپ وتىر.
