Qairat Boranbaev el aldyna kútpegen jańalyqpen shyqty, - dep habarlaidy Dalanews.kz.
Offside.kz málimetinshe, Boranbaev Qazaqstanda jańa "Almaty United" fýtbol klýbyn ashpaq.
Aqparatqa sáikes, klýb óz jolyn 2025 jylǵy maýsymda fýtboldan ekinshi liganyń QFL-den bastaidy.
Almaty United bas direktory tájiribeli fýtbol menedjeri, "Qairat" FK burynǵy bas direktory jáne Player career Management fýtbol agenttiginiń qazirgi basshysy - Marat Búrkituly Baimuhanov bolmaq.
Eske salaiyq,oligarh Qairat Boranbaevqa áli de tergeý orbitasynda. Boranbaevqa qatysty QR Qylmystyq kodeksiniń taǵy eki baby boiynsha tergelip jatyr. Bul týraly Qarjylyq monitoring agenttigi tóraǵasynyń orynbasary Jeńis Elemesov 22 mamyrda málimdedi.
"Ol sottalǵan negizgi qylmystyq is boiynsha 14, 5 milliard teńge kóleminde zalal óteldi, budan basqa ol 120 milliard teńge kóleminde zalaldy ótedi. 120 milliard teńge, oǵan qosa 14,5 milliard teńge - 134 milliard teńge. ...Qylmystyq is áli toqtatylǵan joq, ol tergelip jatyr, taǵy da zalal ótelýi múmkin. ...Oǵan biýdjet qarajatyna qatysty kúdik bar, sondai-aq, salyq tóleýden jaltarý bar", - dedi Elemesov májiliste.
Aita keteiik, byltyr 6 qarashada Qairat Boranbaev bostandyqqa shyqty. Al oǵan deiin naýryzda ol 8 jylǵa sottaldy. Qyrkúiekte jaza merzimi 6 jylǵa deiin qysqardy.
Sonymen qatar, "bai quda" Astananyń ortalyǵyndaǵy 4 juldyzdy qonaqúidi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúi kesheniniń jyldyq ainalymy shamamen 900 million teńgeden asady eken.
