اقپاراتقا سايكەس، كلۋب ءوز جولىن 2025 جىلعى ماۋسىمدا فۋتبولدان ەكىنشى ليگانىڭ QFL-دەن باستايدى.

Almaty United باس ديرەكتورى تاجىريبەلى فۋتبول مەنەدجەرى، "قايرات" فك بۇرىنعى باس ديرەكتورى جانە Player career Management فۋتبول اگەنتتىگىنىڭ قازىرگى باسشىسى - مارات بۇركىت ۇلى بايمۇحانوۆ بولماق. 

ەسكە سالايىق،وليگارح قايرات بورانبايەۆقا ءالى دە تەرگەۋ وربيتاسىندا. بورانبايەۆقا قاتىستى ق ر قىلمىستىق كودەكسىنىڭ تاعى ەكى بابى بويىنشا تەرگەلىپ جاتىر. بۇل تۋرالى قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ 22 مامىردا مالىمدەدى.

"ول سوتتالعان نەگىزگى قىلمىستىق ءىس بويىنشا 14، 5 ميلليارد تەڭگە كولەمىندە زالال وتەلدى، بۇدان باسقا ول 120 ميلليارد تەڭگە كولەمىندە زالالدى وتەدى. 120 ميلليارد تەڭگە، وعان قوسا 14،5 ميلليارد تەڭگە - 134 ميلليارد تەڭگە. ...قىلمىستىق ءىس ءالى توقتاتىلعان جوق، ول تەرگەلىپ جاتىر، تاعى دا زالال وتەلۋى مۇمكىن. ...وعان بيۋدجەت قاراجاتىنا قاتىستى كۇدىك بار، سونداي-اق، سالىق تولەۋدەن جالتارۋ بار"، - دەدى ەلەمەسوۆ ماجىلىستە.

ايتا كەتەيىك، بىلتىر 6 قاراشادا قايرات بورانبايەۆ بوستاندىققا شىقتى. ال وعان دەيىن ناۋرىزدا ول 8 جىلعا سوتتالدى. قىركۇيەكتە جازا مەرزىمى 6 جىلعا دەيىن قىسقاردى.

سونىمەن قاتار، "باي قۇدا" استانانىڭ ورتالىعىنداعى 4 جۇلدىزدى ءقوناقۇيدى، باسقا دا ءبىراز مۇلىكتى مەملەكەت مەنشىگىنە تاپسىردى. ال اۋماعى بەس مىڭ شارشى مەتردەن اساتىن ءقوناقۇي كەشەنىنىڭ جىلدىق اينالىمى شامامەن 900 ميلليون تەڭگەدەن اسادى ەكەن.