Búkil el úshin naǵyz synaqqa ainalǵan tragediia týraly 5 seriialy film ekskliýzivti suhbattar men buryn belgisiz bolǵan faktilerdi usynady. Eń bastysy, qandy tártipsizdikter men jan túrshigerlik búlikke ákelgen narazylyq sherýleriniń egjei-tegjeili hronologiiasyn jańǵyrtady.
Qaiǵyly qańtardyń bastaýynda ne jatqanyn, banditterdiń ákimdik, áýejai men politsiia bólimin qandai maqsatpen basyp alǵysy kelgenin oqiǵa ornynda bolǵan qatysýshylar men kýágerler baiandaidy.
Qańtardaǵy bei-berekettik kimge paidaly boldy jáne bul qiyn jaǵdaida el tutastyǵy qalai saqtalǵanyn túsiný úshin jýrnalister sol kezdegi oqiǵalarǵa ózindik taldaý jasady.
Osy beisenbi, 15 jeltoqsan, saǵat 18:20-da «Almaty» telearnasynda, sondai-aq YouTube arnasynda «Qaiǵyly Qantar: Ot pen oq arasynda» derekti filiminiń úshinshi seriiasyn ótkizip almańyz.
https://www.youtube.com/watch?v=NhbAcLsqjOI
