Densaýlyq saqtaý ministrliginiń málimetinshe, «Qazaq dermatologiia jáne infektsiialyq aýrýlar ǵylymi ortalyǵy» RMK derekterine sáikes, 2025 jylǵy 31 jeltoqsandaǵy jaǵdai boiynsha Qazaqstanda VICh-pen ómir súrip jatqan 37 038 adam tirkelgen, dep habarlaidy Dalanews.kz.
Baq.kz resmi saýalyna jaýap bergen ministrlik jalpy tirkelgen naýqastardyń ishinde 296-sy 15 jasqa deiingi balalar ekenin málimdedi. Al qalǵan 36 742 adam – 15 jastan asqan turǵyndar.
Genderlik qurylymda er adamdar basym. Málimetke sáikes, VICh-pen ómir súrip jatqan 22 728 er adam jáne 14 310 áiel bar.
Aimaqtar boiynsha kórsetkishter VICh-pen ómir súretin adamdardyń basym bóligi iri indýstriialyq óńirler men megapolisterde shoǵyrlanǵanyn kórsetedi.
Tirkelgen jaǵdailar sany boiynsha Almaty qalasy alda – 5 786 adam. Odan keiin Qaraǵandy oblysy – 4 786, Shyǵys Qazaqstan oblysy – 3 497 jáne Astana qalasy – 3 087.
Sondai-aq Almaty oblysynda 2 997, Qostanai oblysynda 2 614 jáne Pavlodar oblysynda 2 606 jaǵdai tirkelgen.
Shymkent qalasynda VICh-pen ómir súrip jatqan 2 147 adam bar.
Ortasha kórsetkish tirkelgen óńirler qatarynda Soltústik Qazaqstan oblysy – 1 573 jaǵdai, Aqmola oblysy – 1 244, Jambyl oblysy – 1 214 jáne Túrkistan oblysy – 1 139.
Jetisý jáne Batys Qazaqstan oblystarynda 924 jaǵdaidan tirkelgen. Aqtóbe oblysynda – 587, Mańǵystaý oblysynda – 558, Abai oblysynda – 537, Atyraý oblysynda – 506.
Eń tómen kórsetkish Qyzylorda oblysynda – 310 jaǵdai jáne Ulytaý oblysynda – 157 jaǵdai tirkelgen.
