Memleket basshysynyń aitýynsha, joǵary deńgeidegi saiasi senim saýda-ekonomikalyq jáne investitsiialyq yntymaqtastyqty odan ári keńeitýge berik negiz qalaidy, dep habarlaidy dalanews.kz.
– Byltyr ekijaqty saýda kólemi 49 milliard dollarǵa jetti. Bul – rekordtyq kórsetkish. Qytai Qazaqstan ekonomikasyna 30 milliard dollardan astam investitsiia saldy. Qazir Qazaqstanda qytai kapitaly bar 8500-den astam kásiporyn tabysty jumys istep jatyr. Sonyń ishinde CNPC, CITIC jáne Huawei siiaqty iri kompaniialardy atap ótý qajet. Biz Qytai biznes ókilderiniń Qazaqstan ekonomikasyn jańǵyrtýǵa súbeli úles qosyp jatqanyn joǵary baǵalaimyz. Ótken jyldary elderimiz kóptegen mańyzdy jobany birge tabysty júzege asyrdy. Sonyń nátijesinde jumys oryndaryn ashtyq, ozyq tehnologiialardy engizdik jáne ónerkásip salasyndaǵy yntymaqtastyǵymyzdy nyǵaita tústik.
Búgin de jańa strategiialyq jobalardy birlese iske asyryp jatyrmyz. Atap aitqanda, Sinopec kompaniiasymen iri gaz-himiia kesheni, Fufeng Group kompaniiasymen júgerini tereń óńdeý zaýyty, Lihua Group kompaniiasymen zamanaýi maqta-toqyma klasteri qurylysyn qolǵa aldyq. Qytaidyń avtokólik kásiporyndary Qazaqstanda óndiris oryndaryn asha bastady. Mysaly, elimizde HOWO, Yutong jáne JAC brendteri shyǵarylady. Byltyr Changan, Great Wall Motor, sondai-aq Chery mýltibrendti avtomobil óndirisi iske qosyldy. Bul jobalar bizdiń ekijaqty áriptestigimiz innovatsiiaǵa, ozyq tehnologiia men ónerkásipti jańǵyrtý isine negizdelip otyrǵanyn kórsetedi, – dedi Prezident.
