Qasqa Jol YouTube arnasynda Natasha Qalymbetovanyń ómirindegi aýyr oqiǵaǵa arnalǵan jańa suhbat jaryq kóredi, dep habarlaidy dalanews.kz.
Baǵdarlama anonsyna sáikes, keiipker 32 jyl boiy júreginde saqtap kelgen syryn alǵash ret kópshilikke jariia etedi.
Suhbat barysynda Natasha Qalymbetova jas kezinde bastan ótkergen zorlyq-zombylyq, onyń saldary jáne ádildik jolyndaǵy kúresi týraly áńgimeleidi. Baǵdarlama sipattamasynda áieldiń ómirine túbegeili áser etken oqiǵalar, sondai-aq onyń ana retinde bastan keshken qiyn taǵdyry sóz bolatyny aitylǵan.
Joba avtorlarynyń málimetinshe, Natasha uzaq jyldar boiy qorqynyshpen ómir súrgenine qaramastan, búgingi kúni shyndyqtyń ashylyp, kinálilerdiń jaýapqa tartylǵanyn qalaitynyn jetkizgen.
«Áli kúnge deiin qorqamyn. Biraq sońyna deiin kúresýge daiynmyn», – deidi keiipker.
Baǵdarlamada áieldiń jazylmaǵan jan jarasy, ádildikke umtylysy jáne jyldar boiy ishinde saqtalǵan muńy keńinen qozǵalady. Avtorlar suhbattyń kórermendi beijai qaldyrmaitynyn atap ótti.
Suhbattyń tolyq nusqasy Qasqa Jol arnasynda jariialanady.
