Almaty oblysynda politsiia sottan qashqan izdeýdegi qylmyskerdi ustady, – dep habarlaidy Dalanews.kz.
Almaty oblysy politsiia departamentiniń jedel qyzmetkerleri QR IIM kriminaldyq politsiia departamentiniń qyzmetkerlerimen birlesip, Aqshi aýylynda 1 sáýirde Qarasai aýdanaralyq mamandandyrylǵan qylmystyq sotynyń aýmaǵynan qashyp ketken kúdiktini ustady.
"Izdestirý sharalary bastalǵan sátten oblystyń politsiiasy jáne Ulttyq ulan kúshteri tolyq jumyldyryldy. Kórshiles oblystardyń aýmaqtyq bólimsheleri de izdeý jumystaryna tartyldy. Jedel izdestirý is-sharalarynyń nátijesinde qashqynnyń qozǵalý baǵyty anyqtalyp, politseiler onyń jasyrynǵan jerin tapty. Arnaiy bólim sarbazdarynyń kúshimen kúdikti ustalyp, ýaqytsha ustaý izoliatoryna qamaldy", - dep jazylǵan habarlamada.
Negizgi qylmysynan bólek oǵan qamaýdan qashqany úshin Qylmystyq kodekstiń tiisti baby boiynsha qosymsha aiyp taǵylǵan.
Aita keteiik, buǵan deiin BAQ pen áleýmettik jelide 1 sáýirde Qaskeleńde kisi zorlady degen kúdikti sot aýmaǵynan qashyp ketkeni habarlandy.
