الماتى وبلىسىندا پوليسيا سوتتان قاشقان ىزدەۋدەگى قىلمىسكەردى ۇستادى، – دەپ حابارلايدى Dalanews.kz.
الماتى وبلىسى پوليسيا دەپارتامەنتىنىڭ جەدەل قىزمەتكەرلەرى ق ر ءىىم كريمينالدىق پوليسيا دەپارتامەنتىنىڭ قىزمەتكەرلەرىمەن بىرلەسىپ، اقشي اۋىلىندا 1 ساۋىردە قاراساي اۋدانارالىق مامانداندىرىلعان قىلمىستىق سوتىنىڭ اۋماعىنان قاشىپ كەتكەن كۇدىكتىنى ۇستادى.
"ىزدەستىرۋ شارالارى باستالعان ساتتەن وبلىستىڭ پوليسياسى جانە ۇلتتىق ۇلان كۇشتەرى تولىق جۇمىلدىرىلدى. كورشىلەس وبلىستاردىڭ اۋماقتىق بولىمشەلەرى دە ىزدەۋ جۇمىستارىنا تارتىلدى. جەدەل ىزدەستىرۋ ءىس-شارالارىنىڭ ناتيجەسىندە قاشقىننىڭ قوزعالۋ باعىتى انىقتالىپ، پوليسەيلەر ونىڭ جاسىرىنعان جەرىن تاپتى. ارنايى ءبولىم ساربازدارىنىڭ كۇشىمەن كۇدىكتى ۇستالىپ، ۋاقىتشا ۇستاۋ يزولياتورىنا قامالدى"، - دەپ جازىلعان حابارلامادا.
نەگىزگى قىلمىسىنان بولەك وعان قاماۋدان قاشقانى ءۇشىن قىلمىستىق كودەكستىڭ ءتيىستى بابى بويىنشا قوسىمشا ايىپ تاعىلعان.
ايتا كەتەيىك، بۇعان دەيىن ب ا ق پەن الەۋمەتتىك جەلىدە 1 ساۋىردە قاسكەلەڭدە كىسى زورلادى دەگەن كۇدىكتى سوت اۋماعىنان قاشىپ كەتكەنى حابارلاندى.
